(vovworld) – ວັນ​ທີ 18/6, ພາຍ​ໃຕ້​ການ​ເປັນ​ປະ​ທານ​ຂອງ ມ​າ​ເລ​ເຊຍ, ປະ​ເທດ​ຮັກ​ສາ​ບົດ​ບາດ​ປະ​ທານ​ໝູນ​ວຽນ​ສະ​ພາ​ຄວາມ​ໝັ້ນ​ຄົງ​ໃນ​ເດືອນ 6/2015, ອົງ​ການ​ສິດອ​ຳ​ນາດ​ສູງ​ສຸດນີ້​ຂອງ ສ​ປ​ຊ ໄດ້​ຈັດ​ຕັ້ງ​ວາ​ລະ​ປຶກ​ສາ​ຫາ​ລື​ເປີດ​ກ່ຽວ​ກັບ​ຫົວ​ຂໍ້ “ເດັກ ແລະ ການປະ​ທະ​ກັນ​ດ້ວຍ​ກຳ​ລັງ​ອາ​ວຸດ” ຢູ່​ສຳ​ນັກ​ງານ​ຂອງ​ອົງ​ການນີ້​ທີ່ ນິວ​ຢອກ, ປະ​ເທດ ອາ​ເມ​ລິ​ກາ. ຜູ້​ຕາງ​ໜ້າ​ຂອງ​ກ່​ວາ 80 ປະ​ເທດ ພ້ອມ​ກັບ​ທ່ານ​ເລ​ຂາ​ທິ​ການ​ໃຫຍ່ ສ​ປ​ຊ Ban Ki – moon ເຂົ້າ​ຮ່ວມ​ວາ​ລະ​ປະ​ຊຸມ.ໃນ​ຖະ​ແຫຼງ​ການ, ທ່ານ​ເລ​ຂາ​ທິ​ການ​ໃຫຍ່ ສ​ປ​ຊ Ban Ki – moon ເນັ້ນ​ໜັກ​ວ່າ: ​ການ​ປົກ​ປັກ​ຮັກ​ສາ​ເດັກ​ຢູ່​ເຂດ​ມີສົງ​ຄາມ ແລະ ​ການປະ​ທະ​ກັນ​ແມ່ນ “ຄວາມ​ຮັບ​ຜິດ​ຊອບ​ດ້ານນິ​ຕິ​ກຳ ແລະ ຄ​ຳ​ສັ່ງຫຼັກ​ສິນ​ທຳ”. ກໍ່​ໃນ​ວາ​ລະ​ປະ​ຊຸມນີ້, ທ່ານ​ນາງ​ເອກ​ອັກ​ຄະ​ລັດ​ຖະ​ທູດ ຫງວຽນ​ເຟືອງ​ງາ, ຫົວ​ໜ້າ​ຄະ​ນະ​ຜູ້​ຕາງ​ໜ້າ​ຫວຽດ​ນາມ ປະ​ຈຳ ສ​ປ​ຊ ຕາງ​ໜ້າ​ໃຫ້​ບັນ​ດາ​ປະ​ເທດ​ສະ​ມາ​ຊິກ ອາ​ຊຽນ, ເນັ້ນ​ໜັກ​ວ່າ: ອາ​ຊຽ​ນ ແບ່ງ​ປັນ​ຄວາມ​ວິ​ຕົກ​ກັງ​ວົນ​ລວມ​ຂອງ​ສາ​ກົນ​ຕໍ່​ສະ​ພາບ​​ຫຍຸ້ງ​ຍາກ​ເປັນພິ​ເສດ​ຂອງ​ເດັກ​ນ້ອຍ​​ໃນເຂດ​​ທີ່ເກີດ​ການ​ປະ​ທະ​ກັນ, ເມື່ອ​​ເດັກ​ນ້ອຍ​ກາຍ​ເປັນ​ຜູ້​ປະ​ສົບ​ເຄາະ​ຮ້າຍ​ຈາກ​ລູກ​ລະ​ເບີດ, ບໍ່​ໄດ້​ສ​ຳ​ພັດ​ກັບ​ບັນ​ດາ​​ການບໍ​ລິ​ການ​ທີ່​ຈຳ​ເປັນ… ທ່ານ​ນາງ ຫງວຽນ​ເຟືອງ​ງາ ຖື​ວ່າ: ເລື່ອງ​ປົກ​ປັກ​ຮັກ​ສາ​ເດັກ​ຕ້ອງ​ໄດ້​ຮັບ​ການ​ຜັນ​ຂະ​ຫຍາຍ​ຮອບ​ດ້ານ, ພິ​ເສດ​ແມ່ນ​ຕ້ອງ​ແກ້​ໄຂ​ບັນ​ດາສາຍ​ເຫດ​​ຕົ້ນ​ຕໍ​ຂອງ​ການ​ປະ​ທະ​ກັນ.