ສປປ. ເກົາຫຼີ ປະຕິບັດເຫດຍິງລູກສອນໄຟຄັ້ງທີ 10 ນັບແຕ່ຕົ້ນປີຈົນຮອດປະຈຸບັນ
(VOVWORLD) - ຕອນເຊົ້າວັນທີ 08 ມີຖຸນາ ສປປ.ເກົາຫຼີ ໄດ້ຍິງລູກສອນໄຟຕິດປີກຈາກຝັ່ງທະເລ ໃກ້ກັບນະຄອນ Wonsan ແຂວງ Gangwon ທາງທິດຕາເວັນອອກຂອງປະເທດນີ້
 (ພາບປະກອບ / ຫວຽດນາມ+) |
ບັນດາລູກສອນໄຟນັ້ນ ບິນໄກປະມານ 200 ກມ ກ່ອນທີ່ຕົກເຂົ້າສູ່ທະເລ ຍີ່ປຸ່ນ. ປະຈຸບັນ ສະພາເສນາທິການທະຫານປະສົມ ສ.ເກົາຫຼີ (JCS) ພວມເພີ່ມທະວີການຕິດຕາມກວດກາ ແລະ ລະວົງຕົວຕໍ່ເລື່ອງ ພຽງຢາງ ອາດຈະ ເພີ່ມການກະທຳໃໝ່, ພ້ອມທັງຮັກສາການກຽມພ້ອມສູ້ຮົບຢູ່ລະດັບສູງສຸດ. ແລະກໍ່ໃນວັນດຽວກັນ, ທ່ານລັດຖະມົນຕີການຕ່າງປະເທດ ຍີ່ປຸ່ນ Fumio Kishida ໃຫ້ຂໍ້ສັງເກດວ່າ ເຫດທີ່ ສປປ.ເກົາຫຼີ ຍິງລູກສອນໄຟສູ່ທະເລ ຍີ່ປຸ່ນ ບໍ່ກໍ່ຜົນກະທົບໂດຍກົງເຖິງຄວາມໝັ້ນຄົງຂອງປະເທດນີ້. ທ່ານລັດຖະມົນຕີການຕ່າງປະເທດ Kishida ໃຫ້ຮູ້ວ່າ: ຍີ່ປຸ່ນ ຈະຮ່ວມມືກັບ ອາເມລິກາ ແລະ ສ.ເກົາຫຼີ ເພື່ອເກັບກຳຂໍ້ມູນຂ່າວ ແລະ ໄຈ້ແຍກເຫດຍິງລູກສອນໄຟ. ນີ້ເປັນຄັ້ງທີ 10 ສປປ.ເກົາຫຼີ ຍິງລູກສອນໄຟນັບແຕ່ຕົ້ນປີຈົນຮອດປະຈຸບັນ.