ສປປ. ເກົາຫຼີ ຮຽກຮ້ອງສ້າງບຸກທະລຸໃນການທ້ອນໂຮມ 2 ພາກເປັນເອກະພາບ (ພາບ: YONHAP/TTXVN)

ວັນທີ 25 ມັງກອນ, ສປປ.ເກົາຫຼີ ໄດ້ຮຽກຮ້ອງ “ປະຊາຊົນ ສປປ.ເກົາຫຼີ ທຸກຄົນທັງຢູ່ພາຍໃນ ແລະ ຕ່າງປະເທດ” ຄວນສ້າງ “ບາດກ້າວບຸກທະລຸ” ໃນການທ້ອນໂຮມ 2 ພາກເປັນເອກະພາບ ແຕ່ບໍ່ຕ້ອງການ ໄດ້ຮັບການໜູນຊ່ວຍຈາກຕ່າງປະເທດ. ແຈ້ງການດັ່ງກ່າວ ໂດຍສຳນັກຂ່າວສານສູນກາງ ສປປ.ເກົາຫຼີ (KCNA) ໃຫ້ຂ່າວ ໄດ້ຮຽກຮ້ອງປະຊາຊົນ ສປປ.ເກົາຫຼີ ທຸກຄົນ “ຊຸກຍູ້ການພົບປະ, ການໄປມາ ແລະ ການຮ່ວມມືລະຫວ່າງ 2 ພາກ”, ເຖິງວ່າ ຄຳຢືນຢັນຂອງ ພຽງຢາງ ຈະ “ທັບມ້າງ” ສິ່ງກີດຂວາງທີ່ສະກັດກັ້ນຄວາມມານະພະຍາຍາມທ້ອນໂຮມແຫຼມ ເກົາຫຼີ ເປັນເອກະພາບຄືນໃໝ່. KCNA ກໍ່ຢັ້ງຢືນວ່າ ຄວາມເຄັ່ງຕຶງດ້ານການທະຫານໃນແຫຼມ ເກົາຫຼີ ແມ່ນ “ຮົ້ວກີດຂວາງໂດຍພື້ນຖານ” ໃນການປັບປຸງການພົວພັນ ແລະ ຄວາມມານະພະຍາຍາມສ້າງ ສປປ.ເກົາຫຼີ ເປັນເອກະພາບຄືນໃໝ່. ໃນຂະນະນັ້ນ, ວັນທີ 24 ມັງກອນ, ອາເມລິກາ ໄດ້ຮັດແໜ້ນຄຳສັ່ງລົງໂທດສຳລັບ ສປປ.ເກົາຫຼີ ທີ່ກ່ຽວຂ້ອງເຖິງໂຄງການອາວຸດນິວເຄຼຍຂອງປະເທດນີ້. ກະຊວງການເງິນ ອາເມລິກາ ປະກາດວ່າ ໄດ້ຈັດວາງບັນດາມາດຕະການລົງໂທດສຳລັບບໍລິສັດການຄ້າ 2 ແຫ່ງທີ່ມີສຳນັກງານຕັ້ງຢູ່ ຈີນ, ທີ່ມີສ່ວນກ່ຽວຂ້ອງເຖິງເລື່ອງສົ່ງອອກທາດໂລຫະ ແລະ ສິນຄ້າອື່ນໆທີ່ມີມູນຄ່າຫລາຍລ້ານ USD ເຊິ່ງຖືກນຳໃຊ້ໃນຂະແໜງອຸດສາຫະກຳອາວຸດຂອງ ສປປ.ເກົາຫຼີ.