ລູກສອນໄຟຂອງ ສປປ.ເກົາຫຼີ ພາບ:Yonhap/TTXVN

ໂຄງການນິວເຄຼຍ ແມ່ນການເລືອກເຟັ້ນຍຸດທະສາດ ຊ່ວຍໃຫ້ ພຽງຢາງ ເພີ່ມທະວີຄວາມສາມາດປ້ອງກັນ. ຖະແຫຼງການດັ່ງກ່າວ ຖືກສຳນັກຂ່າວສານສູນກາງ ສປປ.ເກົາຫຼີ (KCNA) ຄັດສະເໜີ ແລະ ເນັ້ນໜັກວ່າ ອາເມລິກາ ຄວນປະລະຄວາມຫວັງກ່ຽວກັບເລື່ອງ ສປປ.ເກົາຫຼີ ຈະເຂົ້າຮ່ວມການເຈລະຈາ ເພື່ອປຶກສາຫາລືກ່ຽວກັບບັນຫາສ້າງແຫຼມ ເກົາຫຼີ ປອດນິວເຄຼຍ, ຖະແຫຼງການຊີ້ແຈ້ງວ່າ: ພຽງຢາງ ຈະສືບຕໍ່ເພີ່ມທະວີຄວາມສາມາດໂຕ້ຕອບ ເວັ້ນເສຍແຕ່ກໍລະນີ “ນະໂຍບາຍເປັນປໍລະປັກຂອງ ອາເມລິກາ ທີ່ມີຕໍ່ ສປປ.ເກົາຫຼີ ຖືກຍົກເລີກ”. ຖະແຫຼງການດັ່ງກ່າວ ກໍ່ຢືນຢັນວ່າ: ສປປ.ເກົາຫຼີ ບໍ່ຄັດຄ້ານການເຈລະຈາເພື່ອແກ້ໄຂສະພາບຄວາມເຄັ່ງຕຶງໃນປັດຈຸບັນ ແຕ່ບໍ່ມີວັນຈະເຂົ້າຮ່ວມການເຈລະຈາກ່ຽວກັບບັນດາບັນຫາທີ່ກ່ຽວຂ້ອງເຖິງຜົນປະໂຫຍດ ແລະ ຄວາມສະຫງົບແຫ່ງຊາດ.