ການຍິງທົດລອງລູກສອນໄຟ ຂອງ ສປປ.ເກົາຫຼີ  (ພາບ: KCNA)

ສຳນັກຂ່າວສານສູນກາງ ສປປ.ເກົາຫຼີ (KCNA) ໃຫ້ຮູ້ວ່າ ບັ້ນຍິງທົດລອງດັ່ງກ່າວ ແມ່ນເພື່ອແນໃສ່ກຳນົດຕົວເລກທາງດ້ານເຕັກນິກສັງລວມຂອງລະບົບອາວຸດໄວກວ່າສຽງຄັ້ງສຸດທ້າຍ. KCNA ຢັ້ງຢືນຄວາມສາມາດເຄື່ອນທີ່ທີ່ດີເລີດຂອງວັດຖຸບິນໄວກວ່າສຽງນີ້ ຈະໄດ້ຮັບການກວດກາຢັ້ງຢືນຢ່າງຈະແຈ້ງ ພາຍຫຼັງການຍິງທົດລອງຄັ້ງສຸດທ້າຍນີ້.

        ຕາມ KCNA ແລ້ວ, ການນຳ Kim Jong – un ໄດ້ຕິດຕາມການຍິງທົດລອງ ແລະ ສະແດງຄວາມຄາດຫວັງຢ່າງໃຫຍ່ຫຼວງວ່າ ວົງການນັກຊ່ຽວຊານໃນຂົງເຂດຄົ້ນຄວ້າລູກສອນໄຟ ຈະຊ່ວຍ “ເພີ່ມທະວີກຳລັງຄວາມສາມາດນາບຂູ່ສົງຄາມຂອງປະເທດ ດ້ວຍຜົນງານການຄົ້ນຄວ້າວິທະຍາສາດທີ່ທັນສະໄໝທີ່ສຸດ” ຂອງຕົນ.