ສປປ.ເກົາຫຼີ ຢັ້ງຢືນການຍິງລູກສອນໄຟນຳວິຖີຍຸດທະສາດດ້ວຍເຕັກໂນໂລຢີກຳນົດຈຸດພິກັດໃໝ່
(VOVWORLD) - ສປປ.ເກົາຫຼີ ໄດ້ຍິງທົດລອງລູກສອນໄຟນຳວິຖີຍຸດທະສາດ ທີ່ປະກອບເຕັກໂນໂລຢີກຳນົດຈຸດພິກັດແບບ “ອັດຕະໂນມັດ” ໃໝ່ ແນໃສ່ຍົກສູງຄວາມສາມາດດ້ານອາວຸດຂອງຕົນ.
 ການຍິງທົດລອງໃນວັນທີ 17 ພຶດສະພາ (ພາບ: KCNA) |
ຕອນເຊົ້າວັນທີ 18 ພຶດສະພາ, ສື່ມວນຊົນສາທາລະນະລັດປະຊາທິປະໄຕ ປະຊາຊົນ ສປປ.ເກົາຫຼີ ໄດ້ໃຫ້ຂ່າວວ່າ ປະເທດນີ້ ໄດ້ຍິງທົດລອງລູກສອນໄຟນຳວິຖີຍຸດທະສາດ ທີ່ປະກອບເຕັກໂນໂລຢີກຳນົດຈຸດພິກັດແບບ “ອັດຕະໂນມັດ” ໃໝ່ ແນໃສ່ຍົກສູງຄວາມສາມາດດ້ານອາວຸດຂອງຕົນ.
ສຳນັກຂ່າວສານສູນກາງ ສປປ.ເກົາຫຼີ (KCNA) ໄດ້ເຜີຍໃຫ້ຮູ້ວ່າ ຄວາມຊັດເຈນ ແລະ ຄວາມໄວ້ວາງໃຈຂອງລະບົບກຳນົດຈຸດພິກັດແບບອັດຕະໂນມັດນີ້ ໄດ້ຢັ້ງຢືນຜ່ານການຍິງທົດລອງໃນວັນທີ 17 ພຶດສະພາ ອອກສູ່ເຂດທະເລທາງທິດຕາເວັນອອກຂອງປະເທດນີ້. ການນຳ ສປປ.ເກົາຫຼີ Kim Jong – un ໄດ້ຕິດຕາມກວດກາການຍິງທົດລອງດັ່ງກ່າວ.