ປະຊາຊົນ ສ.ເກົາຫຼີ ຕິດຕາມຂ່າວເຫດຍິງດາວທຽມສອດແນມການທະຫານ (ພາບ: AP)

ຕອນເຊົ້າວັນທີ 23 ພະຈິກ, ສຳນັກຂ່າວສານ Yonhap ໄດ້ຄັດສະເໜີແຈ້ງການຂອງສະພາເສນາທິການໃຫຍ່ທະຫານປະສົມ ສ.ເກົາຫຼີ (JCS), ໃຫ້ຮູ້ວ່າ:  ສປປ.ເກົາຫຼີ ໄດ້ຍິງລູກສອນໄຟນຳວິຖີ ບໍ່ກຳນົດ ອອກເຂດທະເລຕາເວັນຕົກ, ແຕ່ການຍິງລູກສອນໄຟດັ່ງກ່າວ ເບິ່ງຄືວ່າຖືກປະລາໄຊ. ສປປ.ເກົາຫຼີ ຍິງລູກສອນໄຟຈາກເຂດ Sunan ຢູ່ພຽງຢາງ ໃນເວລາ 23 ໂມງ 05 ນາທີ ຂອງຕອນກາງຄືນວັນທີ 22 ພະຈິກ ຕາມເວລາທ້ອງຖິ່ນ. JCS ບໍ່ໄດ້ສະໜອງຂໍ້ມູນລາຍລະອຽດເພີ່ມເຕີມ, ພ້ອມທັງໃຫ້ຮູ້ວ່າ ອົງການສືບສວນສອບແນມ ສ.ເກົາຫຼີ ແລະ ອາເມລິກາ ພວມດຳເນີນການໄຈ້ແຍກກ່ຽວກັບເຫດການດັ່ງກ່າວ.

        ກໍໃນວັນທີ 22 ພະຈິກ, JCS ໃຫ້ຮູ້ວ່າ ດາວທຽມສອດແນມ ເຊິ່ງ ສປປ.ເກົາຫຼີ ຍິງກ່ອນໜ້ານັ້ນ ໄດ້ເຂົ້າວົງໂຄຈອນຢ່າງສຳເລັດຜົນ.  

VOV