(ພາບປະກອບ: AFP/ TTXVN)

ຕາມສຳນັກຂ່າວສານສູນກາງສປປ.ເກົາຫຼີ (KCNA) ແລ້ວ, ວັນທີ 08 ກັນຍາ, ທ່ານຮອງລັດຖະມົນຕີການຕ່າງປະເທດສປປ.ເກົາຫຼີ Choe Hui chol ໄດ້ມີການພົບປະກັບເອກອັກຄະລັດຖະທູດບາງທ່ານປະຈຳປະເທດນີ້ເພື່ອແຈ້ງໃຫ້ຊາບກ່ຽວກັບເຫດທົດລອງນິວເຄຼຍຄັ້ງທີ 6 ເຊິ່ງພຽງຢາງ ຫາກໍ່ປະຕິບັດ. ຄຳຖະແຫຼງຂອງພຽງຢາງ ຖືກຍົກອອກມາພາຍຫຼັງອາເມລິກາ ຮຽກຮ້ອງສະພາຄວາມໝັ້ນຄົງສະຫະປະຊາຊາດ ຈັດຕັ້ງການປ່ອນບັດໃນວັນທີ 11 ກັນຍາ ຈະມາເຖິງ ເພື່ອຮັບຮອງເອົາຮ່າງມະຕິເພີ່ມທະວີການລົງໂທດພຽງຢາງ ຢ່າງເປັນທາງການ, ໂດຍບໍ່ຫົວຊາຕໍ່ການຄັດຄ້ານຂອງລັດເຊຍ ແລະ ຈີນ.

        ກໍ່ກ່ຽວຂ້ອງເຖິງບັນຫາສປປ.ເກົາຫຼີ, ວົງການນັກໄຈ້ແຍກໄດ້ໃຫ້ຂໍ້ສັງເກດວ່າ, ປະເທດນີ້ອາດຈະຍູ້ແຮງບັນດາເຫດທົດລອງອາວຸດໃນສະພາບອາເມລິກາ ພວມຊັ່ງຊາການຈັດວາງບັນດາມາດຕະການລົງໂທດທີ່ແຂງກະດ້າງຕື່ມອີກສຳລັບພຽງຢາງ. ສະນັ້ນ, ສປປ.ເກົາຫຼີ ອາດຈະດຳເນີນການທົດລອງລູກສອນໄຟໃໝ່ໃນວັນທີ 09 ກັນຍາ, ກົງກັບວັນຊາດຂອງປະເທດນີ້.