(vovworld) - ວັນ​ທີ 30/6, ສປປ. ​ເກົາຫຼີ ​ໄດ້ຮັບ​ຮູ້​ເຫດ​ຍິງ​ທົດ​ລອງ ລູກສອນ​ໄຟ​ຄັ້ງ​ທີ 2​ໃນ​ຊຸມ​ວັນ​ມໍ່ໆ​ມາ​ນີ້. ​ເຖິງ​ຢ່າງ​ໃດ​ກໍ່ຕາມ, ​ແຫຼ່ງຂ່າວ​ຈາກ​ສຳນັກ​ຂ່າວສານ​ສູນ​ກາງ ສປປ. ​ເກົາຫຼີ (KCNA) ບໍ່​ເວົ້າ​ແຈ້ງ​ປະ​ເພດ​ລູກ​ສອນ​ໄຟ​ທີ່​ໄດ້​ຍິງ​ທົດ​ລອງ​ໃນ​ຄັ້ງ​ນີ້, ພຽງ​ແຕ່​​ເວົ້າ​ວ່າ​ນີ້​ແມ່ນ​ລູກ​ສອນ​ໄຟ​ຍຸດທະວິທີ​ມີການ​ບັນຊາ​ຢ່າງຊັດ​ເຈນ. ກ່ອນ​ໜ້າ​ນັ້ນ, ບັນດາ​ແຫຼ່ງຂ່າວ​ຈາກ ຍີ່ປຸ່ນ ​ແລະ ສ. ​ເກົາຫຼີ ​ໃຫ້​ຮູ້​ວ່າ: ວັນ​ທີ 29/6, ສປປ. ​ເກົາຫຼີ ​ໄດ້​ຍິງ​ລູກສອນ​ໄຟ​ນຳ​ວິຖີ 2 ລູກ​​ເຂົ້າ​ເຂດ​ທະ​ເລ​ທາງ​ທິດຕາ​ເວັນ​ອອກ​ ຍີ່ປຸ່ນ, ຫຼັງ​ຈາກ​ນັ້ນ 3 ວັນ, ພຽງ​ຢາງ ​ໄດ້​ດຳ​ເນີນ​ການ​ຍິງ​ທົດ​ລອງ​ຄ້າຍຄື​ກັນ. ບັນດາ​ລູກ​ສອນ​ໄຟ​ດັ່ງກ່າວ​ຄື​ກັນ​ກັບ​ລູກ​ສອນ​ໄຟ Scud ມີ​ໄລຍະ​ຍິງ​ປະມານ 500 ກມ. ກອງທັບ ຍີ່ປຸ່ນ ຍັງ​​ຄົງຖືກ​ຈັດ​ວາງໃນ​ສະພາວະ​ສຸກ​ເສີນ.