ວັນທີ 10 ພະຈິກ, ໜັງສືພິມແຖວຫນ້າ ອາເມລິກາ ແມ່ນ Washington Post ໄດ້ຄັດສະເໜີແຫຼ່ງຂ່າວໂດຍໃຫ້ຮູ້ວ່າທ່ານປະທານາທິບໍດີ ອາເມລິກາ ຄົນໃໝ່ Donald Trump ໄດ້ມີການເຈລະຈາທາງໂທລະສັບກັບທ່ານ ປະທານາທິບໍດີ ລັດເຊຍ Vladimir Putin. ເຖິງຢ່າງໃດກໍຕາມ, ທັງລັດເຊຍ ແລະ ອາເມລິກາ ລ້ວນແຕ່ຍັງບໍ່ມີການຢືນຢັນຂໍ້ມູນຂ່າວຢ່າງເປັນທາງການ. ຕາມ Washington Post ແລ້ວ, ທ່ານ Donald Trump ແລະ ທ່ານປະທານາທິບໍດີ ລັດເຊຍ Vladimir Putin ໄດ້ປຶກສາຫາລືກ່ຽວກັບສະພາບການຢູ່ ຢູແກຼນ ແລະ ເປົ້າໝາຍສັນຕິພາບຢູ່ ເອີລົບ. ທ່ານ Donald Trump ໄດ້ສະແດງຄວາມປາດຖະໜາຢາກສືບຕໍ່ບັນດາການເຈລະຈາເພື່ອປຶກສາຫາລືກ່ຽວກັບວິທີການແກ້ໄຂການປະທະກັນຢູ່ ຢູແກຼນໂດຍໄວ.

ໃນບັ້ນຫາສຽງເລືອກຕັ້ງຂອງຕົນ, ທ່ານ Donald Trump ໄດ້ໃຫ້ຄຳໝັ້ນສັນຍາຈະແກ້ໄຂການປະທະກັນຢູ່ຢູແກຼນໃນທັນທີ ແຕ່ບໍ່ເວົ້າວ່າທ່ານປະຕິບັດເປົ້າໝາຍນີ້ຄືແນວໃດ. ຕາມ Washington Post ແລ້ວ, ໃນການເຈລະຈາທາງໂທລະສັບ, ທ່ານ Donald Trump ໄດ້ເຕື້ອງເຖິງບັນດາເຂດດິນແດນ. ນອກຈາກນັ້ນ, ແຫຼ່ງຂ່າວກໍ່ໃຫ້ຮູ້ວ່າ ລັດຖະບານ ຢູແກຼນໄດ້ຮັບການປະກາດກ່ຽວກັບການເຈລະຈາທາງໂທລະສັບ. ວັນທີ 8 ພະຈິກ, ທ່ານ Dmitry Peskov, ໂຄສົກວັງ Kremlin ໃຫ້ຮູ້ວ່າ ທ່ານປະທານາທິບໍດີ ລັດເຊຍ Vladimir Putin ພ້ອມແລ້ວທີ່ຈະໂອ້ລົມທາງໂທລະດັບກັບທ່ານປະທານາທິບໍດີຄົນໃໝ່ ອາເມລິກາ ແຕ່ໃຫ້ຮູ້ວ່າຍັງບໍ່ມີຂໍ້ມູນລະອຽດກ່ຽວກັບບັນຫານີ້.