(vovworld)-​ໃນ​ຊຸມມື້​ຜ່ານ​ມາ, ສື່ມວນ​ຊົນ​ຈີນ ໄດ້​ລົງ​ພິມ​ຢ່າງ​ຄົບ​ຖ້ວນ ແລະ ຫລວງ​ຫລາຍ​ກ່ຽວ​ກັບ​ການ​ເຄື່ອນ​ໄຫວ​ຕ່າງໆ​ຂອງ​ທ່ານ​ເລ​ຂາ​ທິ​ການ​ໃຫຍ່​ພັກ​ກອມ​ມູ​ນິດ​ຫວຽດ​ນາມ ຫງວຽນ​ຟູ​ຈ້ອງ ໃນ​ການ​ຢ້ຽມ​ຢາມ​ຈີນ​ຢ່າງ​ເປັນ​ທາງ​ການ ແຕ່​ວັນ​ທີ 7-10/4. ​​ຂ່າວ​ສານ ຊີນ​ຮວາ, ຢີນ​ໝີນ​ຈື​ເປົາ, ຫນັງ​ສື​ພິມ ຊາວ​ຫນຸ່ມ …. ໃນຊຸມມື້​ຜ່ານ​ມາ​ລ້ວນ​ແຕ່​ລົງ​ພິມ​ໃນ​ຫນ້າ​ທຳ​ອິດ ຂ່າວ, ບົດ, ຮູບ​ພາບ ກ່ຽວ​ກັບ​ການ​ຢ້ຽມ​ຢາມ​ຈີນ ຂອງ​ທ່ານ​ເລ​ຂາ​ທິ​ການ​ໃຫຍ່ ຫງວຽນ​ຟູ​ຈ້ອງ. ສື່ມວນ​ຊົນ​ຈີນ ລ້ວນ​ແຕ່​ລົງ​ພິມ​ຢ່າງ​ຄົບ​ຖ້ວນ ແລະ ທັນ​ການບັນ​ດາ​ການ​ພົບ​ປະ​ຂັ້ນ​ສູງ ແລະ ການ​ເຄື່ອນ​ໄຫວ​ສອງ​ຝ່າຍ. ເປັນ​ຫນ້າ​ສົນ​ໃຈ, ຫນັງ​ສື​ພິມ "Global times" ໄດ້​ລົງ​ພິມ​ບົດ​ຂຽນ​ຂອງ​ນັກ​ຂ່າວ​ວິ​ທະ​ຍຸ​ກະ​ຈາຍ​ສຽງ​ຫວຽດ​ນາມ ປະ​ຈຳ​ຈີນ ດ້ວຍ​ຫົວ​ຂໍ້​ວ່າ: ການ​ພົວ​ພັນ​ແລກ​ປ່ຽນ​ລະ​ຫວ່າງ​ສອງ​ພັກ ແລະ ສາຍ​ເຊື່ອມ​ຕໍ່​ພິ​ເສດ​ໃນ​ການ​ພົວ​ພັນ​ລະ​ຫວ່າງ​ຫວຽດ​ນາມ ແລະ ຈີນ. ໃນ​ນັ້ນ ນັກ​ຂ່າວ​ຖື​ວ່າ: ການ​ພົວ​ພັນ​ລະ​ຫວ່າງ​ຫວຽດ​ນາມ ແລະ ຈີນ ແມ່ນ​ການ​ພົວ​ພັນ​ພິ​ເສດ. ທຸກ​ຄວາມ​ຂັດ​ແຍ້ງ ແລະ ບໍ່​ລົ​ງ​ລອຍ​ກັນ​ລະ​ຫວ່າງ​ສອງ​ຝ່າຍ ລ້ວນ​ແຕ່​ສາ​ມາດ​ຊອກ​ໄດ້​ວິ​ທີ​ແກ້​ໄຂ ຖ້າ​ຫາກ​ສອງ​ປະ​ເທດ​ຍາມ​ໃດ​ກໍ​ຮັກ​ສາ​ການ​ແລກ​ປ່ຽນ​ຄະ​ນະ​ຜູ້​ແທນ​ຂັ້ນ​ສູງ​ເປັນ​ປະ​ຈຳ ແລະ ການ​ແລກ​ປ່ຽນ​ລະ​ຫວ່າງ​ສອງ​ພັກ, ສອງ​ລັດ​ເປັນ​ໄປ​ໄດ້​ດີ.