(vovworld) - ໃນ 2 ມື້ຜ່ານມາ, ສື່ມວນຊົນໄທໄດ້ລົງພິມບັນດາຂ່າວ, ບົດຢ່າງຫຼວງຫຼາຍທີ່ກ່ຽວຂ້ອງເຖິງເລື່ອງ ທ່ານນາຍົກລັດຖະມົນຕີຫງວຽນເຕີນຢຸງ ຢ້ຽມຢາມໄທ ຢ່າງເປັນທາງການ ແລະ ເຂົ້າຮ່ວມກອງປະຊຸມຮ່ວມຄະນະລັດຖະບານຄັ້ງທີ 3 ລະຫວ່າງ 2 ປະເທດໃນວັນທີ 23/07. ບັນດາໜັງສືພິມໃຫຍ່, ສຳນັກຂ່າວສານແຫ່ງຊາດ, ບັນດາຊ່ອງໂທລະພາບ ແລະ ສື່ເອເລກໂຕນິກຂອງໄທ ໄດ້ລົງພິມບັນດາຂໍ້ມູນ, ຮູບພາບ ກ່ຽວກັບການເຄື່ອນໄຫວ ແລະ ໝາກຜົນການຢ້ຽມຢາມຂອງທ່ານນາຍົກລັດຖະມົນຕີ ຫງວຽນເຕີນຢຸງ. ສິ່ງທີ່ໜ້າສົນໃຈນັ້ນແມ່ນ, ຫາງສຽງສື່ມວນຊົນໄທ ໄດ້ຕີລາຄາສູງການຢ້ຽມຢາມໄທ ຂອງທ່ານນາຍົກລັດຖະມົນຕີ ຫງວຽນເຕີນຢຸງ ແລະ ຄະນະຜູ້ແທນຫວຽດນາມ ທີ່ບັນລຸຸໄດ້ຜົນສຳເລັດຢ່າງດີງາມ; ໃນນັ້ນການນຳ 2 ປະເທດໄດ້ຫັນດີເປັນຢ່າງສູງການຊຸກຍູ້, ເປີດກວ້າງການພົວພັນຄູ່ຮ່ວມມືຍຸດທະສາດ 2 ຝ່າຍໃນທຸກຂົງເຂດ, ທຸກຂັ້ນໃຫ້ເລິກເຊິ່ງຂຶ້ນຕື່ມ. ໝາກຜົນການຢ້ຽມຢາມຂອງທ່ານນາຍົກລັດຖະມົນຕີ ຫງວຽນເຕີນຢຸງ ໄດ້ສ້າງພື້ນຖານສຳຄັນໃຫ້ລັດຖະບານ, ປະຊົນໄທ ແລະ ຫວຽດນາມ ມຸ່ງໄປເຖິງບັນດາການເຄື່ອນໄຫວສະເຫຼີມສະຫຼອງ 40 ປິີແຫ່ງວັນວ້າງຕັ້ງການພົວພັນທາງການທູດລະຫວ່າງ 2 ປະເທດໃນປີ 2016.