(vovworld) - ສຸມ​ໃສ່​ກໍ່ສ້າງ​ຂະ​ແໜງ​ຄ້າຍ​ທະຫານ​ຕອບ​ສະໜອງ​ຄວາມ​ຮຽກຮ້ອງ​ຕ້ອງການ​ໃນ​ສະພາບ​ການ​ໃໝ່. ນັ້ນ​ແມ່ນ​ຄຳ​ຊີ້​ນຳ​ຂອງ​ທ່ານ​ຮອງ​ນາຍົກລັດຖະມົນຕີ ຫວຽດນາມ ຫງວຽນ​ຊວນ​ຟຸກ ​ໃນ​ພິທີ​ສະ​ເຫຼີ​ມສະຫຼອງ 60 ປີ​ແຫ່ງ​ວັນ​ມູນ​ເຊື້ອ​ຂອງ​ຂະ​ແໜງ​ຄ້າຍ​ທະຫານ (10/8/1955 – 10/82015) ​ແລະ ຕ້ອນຮັບ​ຫຼຽນ​ໄຊ​ປົກ​ປັກ​ຮັກສາ​ປະ​ເທດ​ຊາດ​ຊັ້ນ 3 ຈາກ​ກົມ​ຄ້າຍ​ທະຫານ, ກົມ​ໃຫຍ່ພະລາ​ທິການ, ກະຊວງ​ປ້ອງກັນ​ປະ​ເທດ ຫວຽດນາມ ​ເຊິ່ງຈັດ​ຂຶ້ນ​ໃນ​ຕອນ​ເຊົ້າ​ວັນ​ທີ 10/8 ຢູ່ ຮ່າ​ໂນ້ຍ. ທ່ານຮອງ​ນາຍົກລັດຖະມົນຕີ ຫວຽດນາມ ຫງວຽນ​ຊວນ​ຟຸກ ​ເນັ້ນ​ໜັກ​ວ່າ​: ​ໃນ​ສະພາບ​ທີ່​ມີໜ້າ​ທີ່​ສຳຄັນ​ພິ​ເສດ, ​ແມ່ນ​ຕ້ອງ​ກໍ່ສ້າງ​ກຳລັງ​ກອງທັບປະຊາຊົນ​ປະຕິວັດ, ​​ເປັນ​ກຳລັງຫຼວງ, ທັນ​ສະ​ໄໝ. ຂະ​ແໜງ​ຄ້າຍທະຫານ​ຕ້ອງຊາບ​ຊຶມ​ບັນດາ​ແນວທາງ, ​ແຜນ​ນະ​ໂຍບາຍ, ນະ​ໂຍບາຍ​ຂອງ​ພັກ ​ແລະ ລັດກ່ຽວກັບ​ສົງຄາມ​ປະຊາຊົນ, ການ​ປ້ອງ​ກັນຊາ​ດທົ່ວ​ປວງ​ຊົນ, ພະລາທິການ​ທົ່ວ​ປວງ​ຊົນ, ກຳ​ແໜ້ນ​ຄວາມ​ຮຽກຮ້ອງ​ຕ້ອງການ​ໃນ​ການ​ປົກ​ປັກ​ຮັກສາ​ປະ​ເທດ​ຊາດ, ກຳນົດ​ທິດ​ທາງ​ໜ້າ​ທີ່​ວຽກ​ງານ​ໃນ​ສະພາບ​ການ​ໃໝ່