ຕອນຄ່ຳວັນທີ 7 ກັນຍາ, ພະແນກວິທະຍາສາດ ແລະ ເຕັກໂນໂລຊີ ນະຄອນໂຮ່ຈີມິນ ໄດ້ຈັດຕັ້ງເຫດການ “ ພົບປະກັບປະຊາຄົມເລີ່ມທຸລະກິດປ່ຽນໃໝ່ປະດິດສ້າງ - ຫວນຄືນຫຼັງໜຶ່ງປີ ” ເພື່ອແນໃສ່ຕີລາຄາໜຶ່ງປີແຫ່ງການສ້າງຕັ້ງສູນໜູນຊ່ວຍເລີ່ມທຸລະກິດປ່ຽນໃໝ່ປະດິດສ້າງ ນະຄອນໂຮ່ຈີມິນ ( Sihub ). ກ່າວຄຳເຫັນທີ່ການພົບປະ, ທ່ານເລຂາຄະນະພັກນະຄອນໂຮ່ຈີມິນ ຫງວຽນທ້ຽນເຍິນ ໃຫ້ຮູ້ວ່າ: ທ່າອ່ຽງການແກ້ງແຍ້ງໃນຂົງເຂດປະດິດສ້າງ, ວິທະຍາສາດ-ເຕັກໂນໂລຊີ ແມ່ນຮຽກຮ້ອງ ນະຄອນໂຮ່ຈີມິນ ຕ້ອງສືບຕໍ່ເພີ່ມສະມັດຕະພາບ, ໝູນໃຊ້ວິທະຍາສາດ-ເຕັກໂນໂລຊີ. ນີ້ແມ່ນບັນຫາທີ່ນະຄອນ ແລະ ບັນດາວິສາຫະກິດຄວນເອົາໃຈໃສ່. ທ່ານ ຫງວຽນທ້ຽນເຍິນ ຢືນຢັນວ່າ ໃນໄລຍະຈະມາເຖິງ, ຈະມີເຂດອຸດສາຫະກຳທີ່ສະຫງວນໃຫ້ບັນດາວິສາຫະກິດຫາກໍ່ສ້າງຕັ້ງ, ພິເສດແມ່ນວິສາຫະກິດເລີ່ມທຸລະກິດ ປ່ຽນໃໝ່ປະດິດສ້າງ. ຄຽງຂ້າງນັ້ນ, ນະຄອນໂຮ່ຈີມິນ ຈະເອົາໃຈໃສ່ເຮັດທົດລອງວິທີການຮ່ວມມືພາກລັດ-ເອກະຊົນ ໃນການໜູນຊ່ວຍບັນດາວິສາຫະກິດເລີ່ມທຸລະກິດ ປ່ຽນໃໝ່ປະດິດສ້າງ ເພື່ອພັດທະນາໄວ ແລະ ເຂັ້ມແຂງກວ່າ.