(VOVWORLD) - ເລື່ອງຈັດຕັ້ງພິທີຮັບໃບຢັ້ງຢືນ UNECO ມອບນາມມະຍົດ “ສິລະປະ ບ່າຍຈ່ອຍ ພາກກາງ ຫວຽດນາມ” ແມ່ນມໍລະດົກວັດທະນະທຳບໍ່ເປັນວັດຖຸເປັນຕົວແທນຂອງມວນມະນຸດ ແມ່ນການເຄື່ອນໄຫວວັດທະນະທຳທີ່ມີຄວາມໝາຍສຳຄັນ.
 (ພາບປະກອບ / VTV) |
ຕອນຄ່ຳວັນທີ 24 ເມສາ, ທີ່ນະຄອນ ດົ່ງເຫີ໊ຍ, ພະແນກວັດທະນະທຳ, ກິລາ ແລະ ທ່ອງທ່ຽວແຂວງ ກວາງບີງ ໄດ້ຈັດຕັ້ງພິທີຮັບໃບຢັ້ງຢືນ UNESCO ມອບນາມມະຍົດ “ສີລະປະ ບ່າຍຈ່ອຍ ພາກກາງ ຫວຽດນາມ” ແມ່ນມໍລະດົກວັດທະນະທຳບໍ່ເປັນວັດຖຸເປັນຕົວແທນຂອງມວນມະນຸດ ແລະ ໄຂງານມະໂຫລານບັນດາໜ່ວຍ, ກຸ່ມ, ສະໂມສອນ ບ່າຍຈ່ອຍ ແຂວງ ກວາງບີງ ຄັ້ງທີ 1 ປີ 2019.
ກ່າວຄຳເຫັນທີ່ພິທີ, ທ່ານ ເຈິ່ນຕ໊ຽນຢຸງ, ຮອງປະທານຄະນະກຳມະການປະຊາຊົນແຂວງ ກວາງບີງ ໃຫ້ຮູ້ວ່າ: ເລື່ອງຈັດຕັ້ງພິທີຮັບໃບຢັ້ງຢືນ UNECO ມອບນາມມະຍົດ “ສິລະປະ ບ່າຍຈ່ອຍ ພາກກາງ ຫວຽດນາມ” ແມ່ນມໍລະດົກວັດທະນະທຳບໍ່ເປັນວັດຖຸເປັນຕົວແທນຂອງມວນມະນຸດ ແມ່ນການເຄື່ອນໄຫວວັດທະນະທຳທີ່ມີຄວາມໝາຍສຳຄັນ. ນີ້ບໍ່ພຽງແຕ່ແມ່ນໂອກາດ ເພື່ອເຊີດຊູບັນດາຄຸນຄ່າທີ່ເປັນເອກະລັກສະເພາະຂອງມໍລະດົກສິລະປະ ບ່າຍຈ່ອຍ ເທົ່ານັ້ນ ຫາກຍັງຜ່ານນັ້ນ ຍັງປະກອບສ່ວນປຸກລຸກຄວາມເອກອ້າງທະນົງໃຈຕໍ່ປະເທດຊາດ, ມີສະຕິຄວາມຮັບຜິດຊອບໃນການຮັກສາ, ເສີມຂະຫຍາຍຄຸນຄ່າມໍລະດົກວັດທະນະທຳຂອງທຸກຂັ້ນ, ທຸກຂະແໜງການ ແລະ ປະຊາຊົນໃນແຂວງ.