ທ່ານເລຂາຄະນະພັກນະຄອນ ຮ່າໂນ້ຍ ດິງຕ໊ຽນຢຸງ  ກ່າວຄຳເຫັນທີ່ການພົບປະ

ໃນຂອບເຂດການຢ້ຽມຢາມ ແລະ ເຮັດວຽກຢູ່ ສປປ. ລາວ, ຕອນເຊົ້າວັນທີ 5 ເມສາ, ທ່ານເລຂາຄະນະພັກນະຄອນ ຮ່າໂນ້ຍ ດິງຕ໊ຽນຢຸງ ໄດ້ເຂົ້າຢ້ຽມຢາມ ແລະ ເຮັດວຽກກັບສະຖານທູດ ຫວຽດນາມ ປະຈຳ ລາວ. ທີ່ການພົບປະ, ທ່ານເລຂາຄະນະພັກນະຄອນ ຮ່າໂນ້ຍ ດິງຕ໊ຽນຢຸງ ເນັ້ນໜັກວ່າ: ລາວ ແມ່ນປະເທດເພື່ອນມິດທີ່ມີມູນເຊື້ອມາແຕ່ດົນນານ, ຄວາມຜູກພັນຢ່າງໜຽວແໜ້ນລະຫວ່າງປະຊາຊົນ ລາວ ແລະ ປະຊາຊົນ ຫວຽດນາມ ແມ່ນພິເສດ ແລະ ຫາຍາກ; ການພັດທະນາ ແລະ ຄວາມວັດທະນາຖາວອນຂອງປະເທດລາວ ຕິດພັນກັບການພັດທະນາຂອງປະເທດ ຫວຽດນາມ. ທ່ານ ດິງຕ໊ຽນຢງ ປາດຖະໜາວ່າ ດ້ວຍພາລະໜ້າທີ່ເປັນອົງການຕາງໜ້າ ຫວຽດນາມ ປະຈຳ ລາວ, ສະຖານທູດ ຫວຽດນາມ ປະຈຳ ລາວ ຈະປະຕິບັດບົດບາດເປັນຂົວຕໍ່ສຳຄັນໃນການອະນຸລັກຮັກສາ ແລະ ເສີມຂະຫຍາຍສາຍພົວພັນສາມັກຄີແບບພິເສດລະຫວ່າງ ຫວຽດນາມ - ລາວ, ລາວ ຫວຽດນາມ.

ເຈິ່ນຕວ໊ນ - ດັ້ງຖຸ່ຍ, ນັກຂ່າວ VOV ປະຈຳ ຫວຽດນາມ