ສະຖານທູດຫວຽດນາມປະຈຳQatarຈັດຕັ້ງງານພົບປະສັງສັນອວຍພອນລະດູບານໃໝ່ປີວອກ2016
ທ່ານ ຫງວຽນຮ່ັວາງ ກ່າວຄຳເຫັນທີ່ການພົບປະ
(ພາບອິນເຕີແນັດ)
(vovworld) – ເນື່ອງໃນໂອກາດລະດູບານໃໝ່ປີວອກ 2016 ແລະ ຄຳນັບຊົມເຊີຍຜົນສຳລັດຂອງກອງປະຊຸມໃຫຍ່ທົ່ວປະເທດຄັ້ງທີ 12 ຂອງພັກ, ສະຖານທູດ ຫວຽດນາມ ປະຈຳ Qatar ຈັດຕັ້ງບຸນເຕັດປະຊາຄົມ ແລະ ພົບປະສັງສັນອວຍພອນລະດູບານໃໝ່ປີວອກ 2016.
ກ່າວຄຳເຫັນທີ່ການພົບປະ, ທ່ານ ຫງວຽນຮ່ັວາງ ເອກອັກຄະລັດຖະທູດ ຫວຽດນາມ ປະຈຳ Qatar ໄດ້ແຈ້ງໃຫ້ຊາບສະພາບເສດຖະກິດ, ສັງຄົມຂອງ ຫວຽດນາມ ແລະ Qatar ໃນປີ 2015 ແລະ ບາງທິດທາງເຄື່ອນໄຫວໃຫຍ່ຂອງ ຫວຽດນາມ ໃນປີ 2016, ພິເສດແມ່ນການຈັດຕັ້ງກອງປະຊຸມໃຫຍ່ຄັ້ງທີ 12 ຂອງພັກສຳເລັດຜົນຢ່າງຈົບງາມ. ກ່ຽວກັບການພົວພັນ ຫວຽດນາມ - Qatar, ທ່ານເອກອັກຄະລັດຖະທູດຖືວ່າ: ການພົວພັນ ຫວຽດນາມ - Qatar ໄດ້ຮັບການຮັກສາ ແລະ ພັດທະນາອັນດີງາມ, ປີ 2015 ການພົວພັນລະຫວ່າງ 2 ປະເທດ ກໍ່ມີບັນດາບາດກ້າວພັດທະນາໃໝ່ ສ້າງກາລະໂອກາດການຮ່ວມມືຫລາຍຢ່າງ ໃນຂົງເຂດຕ່າງໆຄື: ເສດຖະກິດ, ການຄ້າ, ວັດທະນະທຳ, ກິລາ…ທ່ານເອກອັກຄະລັດຖະທູດຕີລາຄາສູງການປະກອບສ່ວນສຳຄັນ ແລະ ມີຄວາມໝາຍທີ່ສຸດຂອງປະຊາຄົມຊາວ ຫວຽດນາມ ເວົ້າລວມ ແລະ ຄະນະຕິດຕໍ່ປະຊາຄົມເວົ້າສະເພາະເຂົ້າໃນການພົວພັນມິດຕະພາບທີ່ເປັນມູນເຊື້ອລະຫວ່າງ 2 ປະເທດຢ່າງຈົບງາມ.