(vovworld) - ວັນທີ 12, ພາຍຫຼັງການປະຊຸມລັບກ່ຽວກັບການຍິງລູກສອນໄຟສົ່ງດາວທຽມຂອງ ສປປເກົາຫຼີ, ສະພາຄວາມໝັ້ນຄົງ ສປຊ ໄດ້ອອກຖະແຫຼງການກ່າວປະນາມການຍິງລູກສອນໄຟຂອງພຽງຢາງ ໂດຍຖືວ່າ ການຍິງລູກສອນໄຟໄດ້ລະເມີດບັນດາມະຕິເລກທີ 1718 ແລະ 1874 ຂອງສະພາຄວາມໝັ້ນຄົງ ສປຊ. ຖະແຫຼງການດັ່ງກ່າວກໍເນັ້ນໜັກວ່າ, ສະພາຄວາມໝັ້ນຄົງ ສປຊ ຈະສືບຕໍ່ບັນດາການທາບທາມຄວາມເຫັນກ່ຽວກັບປະຕິກິລິຍາທີ່ມີຕໍ່ການກະທຳຂອງ ສປປເກົາຫຼີ ແລະ ຈະມີການກະທຳຖ້າຫາກ ສປປເກົາຫຼີ ຍັງສືບຕໍ່ການຍິງລູກສອນໄຟຄັ້ງໃໝ່.
ໃນຂະນະນັ້ນ, ສປປເກົາຫຼີ ຖະແຫງວ່າ ປະເທດນີ້ຈະສືບຕໍ່ພັດທະນາໂຄງການຄົ້ນຄວ້າອະວະກາດ ແລະ ຢືນຢັນວ່າ ນີ້ແມ່ນສິດຖືກຕ້ອງຕາມກົດໝາຍຂອງ ສປປເກົາຫຼີ ສອດຄ່ອງກັບກົດໝາຍສາກົນ. ສປປເກົາຫຼີ ຢືນຢັນວ່າ ການຍິງດາວທຽມຂຶ້ນສູ່ວົງໂຄຈອນ ແມ່ນເໝາະສົມກັບແຜນການພັດທະນາວິທະຍາສາດ - ເຕັກໂນໂລຊີ, ພ້ອມທັງຊ່ວຍໃຫ້ປະເທດນີ້ຫັນປ່ຽນໂຄງປະກອບເສດຖະກິດ ແລະ ປົວແປງຊີວິດການເປັນຢູ່ຂອງປະຊາຊົນເທື່ອລະກ້າວ. ພຽງຢາງ ກໍກ່າວປະນາມການຕຳນິຕິຕຽນທຸກຢ່າງທີ່ເລັ່ງໃສ່ການຍິງດາວທຽມ ແມ່ນການກະທຳທີ່ເປັນປໍລະປັກຕ້ານ ສປປເກົາຫຼີ.