ສະພາຄວາມໝັ້ນຄົງ ສປຊ ຮຽກຮ້ອງໃຫ້ Houthi ຢຸດຕິການບຸກໂຈມຕີກ່ຳປັ່ນການຄ້າຢູ່ທະເລແດງ
(VOVWORLD) - ວັນທີ 27 ມິຖຸນາ, ສະພາຄວາມໝັ້ນຄົງ ສປຊ ໄດ້ຮັບຮອງເອົາມະຕິວ່າດ້ວຍການຮຽກຮ້ອງກຳລັງ Houthi ຢູ່ ເຢແມນ ຢຸດຕິທຸກການກະທຳບຸກໂຈມຕີກ່ຳປັ່ນການຄ້າຢູ່ທະເລແດງໃນທັນທີ.
 ກ່ຳປັ່ນລໍາໜຶ່ງ ຖືກບຸກໂຈມຕີ (ພາບ: IRNA/TTXVN) |
ມະຕິສະບັບນີ້ ເນັ້ນໜັກໃຫ້ບັນດາປະເທດສະມາຊິກທັງໝົດ “ຕ້ອງປະຕິບັດຕາມບັນດາພັນທະທີ່ກ່ຽວຂ້ອງເຖິງຄຳສັ່ງເກືອດຫ້າມອາວຸດແບບມີເຈດຕະນາ” ສຳລັບການນຳຫຼັກແຫຼ່ງຂອງ Houthi; ກ່າວປະນາມການບຸກໂຈມຕີດ້ວຍທຸກຮູບແບບ ທີ່ແນໃສ່ກ່ຳປັ່ນທີ່ໄປຜ່ານເຂດທະເລແດງ ແລະ ຮຽກຮ້ອງໃຫ້ປ່ອຍອິດສະຫຼະພາບໃຫ້ກ່ຳປັ່ນການຄ້າ Galaxy Leader ແລະ ລູກເຮືອ. ໄປຄຽງຄູ່ກັນນັ້ນ, ມະຕິສະບັບນີ້ກໍຮຽກຮ້ອງໃຫ້ທ່ານເລຂາທິການໃຫຍ່ ສປຊ ຍົກອອກບົດລາຍງານປະຈຳເດືອນກ່ຽວກັບວິກິດການໃນປັດຈຸບັນຢູ່ເຂດທະເລແດງ ນັບແຕ່ນີ້ຮອດວັນທີ 15 ມັງກອນ 2025.