ກອງປະຊຸມຂອງສະພາຄວາມໝັ້ນຄົງ ສປຊ

ວັນທີ 8 ທັນວາ, ສະພາຄວາມໝັ້ນຄົງ ສປຊ ເລີ່ມຈັດຕັ້ງກອງປະຊຸມດ່ວນກ່ຽວກັບຄຳຕັດສິນຂອງທ່ານປະທານາທິບໍດີ ອາເມລິກາ Donald Trump ຮັບຮອງ Jerusalem ແມ່ນນະຄອນຫຼວງ ຂອງອິດສະຣາແອນ. ຄຳຕັດສິນຂອງທ່ານປະທານາທິບໍດີ Trump ໄດ້ລົບລ້າງນະໂຍບາຍຂອງ ອາເມລິກາ ໃນຫຼາຍທົດສະວັດ, ແລະ ໄດກໍ່ຄວາມວິຕົກວັງວົນກໍ່ຄື ການບໍ່ເຫັນດີເຫັນພ້ອມເວົ້າລວມຈາກບັນດາປະເທດພັນທະມິດຂອງ ອາເມລິກາ.

        ໃນການສຳພາດຄັ້ງຫຼ້າສຸດຕໍ່ສຳນັກຂ່າວສານ Sputnik, ທ່ານ Fathi Abu al Aradat, ເລຂາທິການຂອງຂະບວນການ Fatah ແລະ ອົງການປົດປ່ອຍ ປາແລດສະຕິນ ຢູ່ ລີບານ ໄດ້ກ່າວປະນາມຢ່າງຮຸນແຮງຄຳຕັດສິນຂອງທ່ານປະທານາທິບໍດີ Trump ຍົກຍ້າຍສະຖານທູດຂອງອາເມລິກາ ເຖິງ Jerusalem ແລະ ຮັບຮອງນະຄອນນີ້ແມ່ນນະຄອນຫຼວງ ຂອງ ອິດສະຣາແອນ. ທ່ານ Aradat ຖືວ່າ ປະຊາຊົນ Jerusalem ແລະ ຊາວ ປາແລດສະຕິນ, ບັນດາຜູ້ຖືນະຄອນນີ້ແມ່ນນະຄອນຫຼວງຂອງເຂົາເຈົ້າ, ມີສິດຕັດສິນຊາຕາກຳຂອງ Jerusalem.