ວັນທີ 29 ຕຸລາ, ສະພາຄວາມໝັ້ນຄົງສະຫະປະຊາຊາດ ໄດ້ປຶກສາຫາລືທາງອອນລາຍກ່ຽວກັບໂຄງການດຳເນີນງານແມ່ຍິງ, ສັນຕິພາບ, ຄວາມໝັ້ນຄົງ (WPS) ພາຍໃຕ້ການເປັນປະທານຂອງລັດເຊຍ, ປະທານໝູນວຽນສະພາຄວາມໝັ້ນຄົງສະຫະປະຊາຊາດໃນເດືອນຕຸລາ.

        ກ່າວຄຳເຫັນທີ່ການປຶກສາຫາລື, ທ່ານເອກອັກຄະລັດຖະທູດ ດັ້ງດິ່ງກຸ໊ຍ, ຫົວໜ້າຄະນະຜູ້ຕາງໜ້າຫວຽດນາມ ປະຈຳສະຫະປະຊາຊາດ ໄດ້ຊົມເຊີຍບັນດາຄວາມກ້າວໜ້າໃນການປະຕິບັດມະຕິເລກທີ 1325 ແລະ ບັນດາມະຕິທີ່ກ່ຽວຂ້ອງ. ເພື່ອຊຸກຍູ້ການປະຕິບັດໂຄງການດຳເນີນງານດັ່ງກ່າວ, ທ່ານ ດັ້ງດິ່ງກຸ໊ຍ ຮຽກຮ້ອງໃຫ້ບັນດາປະເທດສະໜັບສະໜູນຄຳຮຽກຮ້ອງຂອງເລຂາທິການໃຫຍ່ກ່ຽວກັບການຢຸດຍິງທົ່ວໂລກ ແລະ ຢຸດຕິບັນດາການກະທຳທີ່ເປັນປໍລະປັກຢູ່ທົ່ວທຸກແຫ່ງໃນໂລກໂດຍທັນທີ, ສ້າງເງື່ອນໄຂສະດວກໃຫ້ແກ່ການໜູນຊ່ວຍມະນຸດສະທຳ ແລະ ໜູນຊ່ວຍບັນດາເປົ້າໝາຍທີ່ມີຄວາມສ່ຽງສູງກວ່າເພິ່ນ, ພິເສດແມ່ນແມ່ຍິງ ແລະ ເດັກຍິງ. ທ່ານເອກອັກຄະລັດຖະທູດໄດ້ຮຽກຮ້ອງໃຫ້ປະຊາຄົມບັນດານັກອຸປະຖຳສາກົນ ຄວນສືບຕໍ່ສະໜອງທຶນ ODA ຢ່າງໜ້ອຍສຸດແມ່ນ 15% ໃຫ້ແກ່ບັນດາປະເທດຖືກຜົນສະທ້ອນຈາກການປະທະກັນ ເພື່ອແນໃສ່ຊຸກຍູ້ຄວາມສະເໝີພາບລະຫວ່າງຍິງ-ຊາຍ; ສືບຕໍ່ຊຸກຍູ້ການພົວພັນຄູ່ຮ່ວມມື ແລະ ປະສານງານຂອງສະຫະປະຊາຊາດຢ່າງມີປະສິດທິຜົນ.