ຕອນເຊົ້າວັນທີ 4 ກໍລະກົດຕາມ ເວລາ ຫວຽດນາມ, ສະພາຄວາມໝັ້ນຄົງສະຫະປະຊາຊາດ ໄດ້ສິ້ນສຸດການປຶກສາຫາລືລັບທີ່ແກ່ຍາວເປັນເວລາ 2 ຊົ່ວໂມງເຊິ່ງບໍ່ບັນລຸໄດ້ຄວາມເຫັນດີເຫັນພ້ອມໃນການກ່າວປະນາມເຫດບຸກໂຈມຕີເລັ່ງໃສ່ຄ້າຍຄຸ້ມຂັງຊາວອົບພະຍົບແຫ່ງໜຶ່ງຢູ່ ລີບີ, ຍ້ອນວ່າ ອາເມລິກາ ບໍ່ເຫັນດີຕໍ່ຮ່າງຖະແຫຼງການ . ໃນການປຶກສາຫາລື, ອັງກິດໄດ້ສົ່ງຖະແຫຼການງໜຶ່ງໄປຍັງບັນດາປະເທດສະມາຊິກ, ກ່າວປະນາມເຫດບຸກໂຈມຕີທາງອາກາດເຊິ່ງໄດ້ຮັບຖືວ່າແມ່ນຍ້ອນກຳລັງທີ່ຈົ່ງຮັກພັກດີກັບນາຍພົນ Khalifa Haftar ກໍ່ຂຶ້ນ, ຮຽກຮ້ອງໃຫ້ຢຸດຕິການຍິງ ແລະ ເຊື່ອມຕໍ່ບັນດາການປຶກສາຫາລືທາງດ້ານການເມືອງຄືນໃໝ່.

        ທີ່ວາລະທາບທາມຄຳເຫັນ, ຜູ້ຕາງໜ້າຂອງ ອາເມລິກາ ໃຫ້ຮູ້ວ່າ ເຂົາເຈົ້າຕ້ອງການຄວາມເຫັນດີຂອງທຳນຽບຂາວໃນການຮັບຮອງເອົາເອກະສານດັ່ງກ່າວ.