ກ່າວຄໍາເຫັນທີ່ສະພາຕໍ່າ ກ່ອນການປ່ອນບັດ, ທ່ານ Steve Ciobo ອະດີດລັດຖະມົນຕີການຄ້າ, ການທ່ອງທ່ຽວ ແລະ ການລົງທຶນ ອົດສະຕາລີ ໃຫ້ຮູ້ວ່າ ອົດສະຕາລີ ປາດຖະໜາວ່າ ນັບມື້ນັບຈະມີບັນດາປະເທດສະມາຊິກເຂົ້າຮ່ວມສັນຍາ ແລະ ບັນດາຄູ່ຮ່ວມມືສໍາຄັນໃນສັນຍາ CPTPP ຈະໄດ້ຮັບຜົນປະໂຫຍດຈາກຂໍ້ຕົກລົງສະບັບດັ່ງກ່າວ ໂດຍໄວທີ່ສຸດເທົ່າທີ່ໄວໄດ້. ສັນຍາ CPTPP ຄາດວ່າ ຈະສ້າງເງື່ອນໄຂ ເພື່ອໃຫ້ບັນດາຜູ້ຜະລິດຂອງ ອົດສະຕາລີ ສາມາດສໍາຜັດກັບຕະຫຼາດ ເຊິ່ງລວມມີຜູ້ບໍລິໂພກອຸປະໂພກ 500 ລ້ານ ຄົນ ຢ່າງງ່າຍດາຍ ແລະ ເພີ່ມລາຍຮັບໃຫ້ແກ່ປະຊາຊົນ ອົດສະຕາລີ ເຖິງກວ່າ 11 ຕື້ USD ໃນປີ 2030.

        CPTPP ແມ່ນຂໍ້ຕົກລົງການຄ້າລະຫວ່າງ 11 ປະເທດ ຄື ອົດສະຕາລີ, ຍີ່ປຸ່ນ, ມາເລເຊຍ, ຫວຽດນາມ, ສິງກະໂປ, ບຣູໄນ, ນິວຊີແລນ, ການາດາ,  ເມັກຊີໂກ, ເປຣູ ແລະ ຈີເລ. ມາຮອດປັດຈຸບັນນີ້, ຂໍ້ຕົກລົງດັ່ງກ່າວ ໄດ້ຮັບການມໃຫ້ສັດຕະຍາບັນຈາກບັນດາປະເທດ ເມັກຊີໂກ, ສິງກະໂປ ແລະ ຍີ່ປຸ່ນ. ຄາດວ່າ ໃນຊຸມເດືອນຈະມາເຖິງ ປະເທດ ນິວຊີແລນ,ເປຣູ ແລະ ການາດາ ກໍຈະອະນຸມັດຜ່ານຂໍ້ຕົກລົງດັ່ງກ່າວ ເຊັ່ນກັນ.