ທ່ານປະທານາທິບໍດີ Joe Biden (ພາບ: AFP/TTXVN)

ດ້ວຍບັດເຫັນດີຈຳນວນ 221 ບັດ ແລະ ບັດຕ້ານ 212 ບັດ, ວັນທີ 13 ທັນວາ, ສະພາຕ່ຳ ອາເມລິກາ ໂດຍຂຶ້ນກັບພັກສາທາລະນະບໍລິຫານ ໄດ້ຮັບຮອງເອົາມະຕິວ່າດ້ວຍການອະນຸຍາດໃຫ້ດຳເນີນການສືບສວນພິຈາລະນາໂທດທ່ານປະທານາທິບໍດີ Joe Biden ຢ່າງເປັນທາງການ, ດ້ວຍບັນດາຂໍ້ສົງໄສວ່າ ທ່ານ Joe Biden ອາດຈະມີການສວຍໃຊ້ເອົາຜົນປະໂຫຍດຈາກບັນດາກິດຈະກຳດຳເນີນທຸລະກິດຢູ່ຕ່າງປະເທດຂອງລູກຊາຍທ່ານ ນັ້ນແມ່ນ Hunter Biden. ກ່າວຄຳເຫັນພາຍຫຼັງການປ່ອນບັດ, ທ່ານ Tom Cole ປະທານກຳມາທິການກົດໝາຍຂອງສະພາຕ່ຳ ອາເມລິກາ, ສະມາຊິກສະພາຕ່ຳພັກສາທາລະນະ ຖະແຫຼງວ່າ:

        “ການພິຈາລະນາໂທດ, ພິເສດແມ່ນພິຈາລະນາໂທດປະທານາທິບໍດີ, ແມ່ນສິ່ງທີີ່ຮ້າຍແຮງທີ່ສຸດ. ນັ້ນແມ່ນສິ່ງທີ່ບໍ່ມີສະມາຊິກທ່ານໃດຂອງສະພາຕ່ຳຢາກເຮັດ ແຕ່ສະພາຕ່ຳມີສິດ ແລະ ພັນທະຕາມລັດຖະທຳມະນູນ. ດ້ວຍມະຕິສະບັບນີ້, ພວກຂ້າພະເຈົ້າຂໍຮັບປະກັນວ່າ ສະພາຕ່ຳ ຈະມີກຳລັງຄວາມສາມາດຢ່າງພຽງພໍ ເພື່ອດຳເນີນການສືບສວນນີ້ຈົນສຳເລັດ. ພວກຂ້າພະເຈົ້າຈະຊອກຫາໃຫ້ຄົບທຸກຫຼັກຖານ ແລະ ຄວາມຈິງທີ່ຈຳເປັນເພື່ອຍົກອອກຄຳຕັດສິນທີ່ຄົບຖ້ວນ ແລະ ຍຸຕິທຳ”.  

Quang Dung