(VOVWORLD) - ຕາມເວັບໄຊສະຖິຕິ worldometers.info ແລ້ວ, ໄລ່ຮອດເວລາ 1 ໂມງຂອງວັນທີ 21 ເມສາ (ຕາມເວລາ UTC), ທົ່ວໂລກຢັ້ງຢືນມີຜູ້ຕິດເຊື້ອພະຍາດໂຄວິດ - 19 ລວມທັງໝົດກວ່າ 506 ລ້ານຄົນ, ໃນນັ້ນມີຜູ້ເສຍຊີວິດກວ່າ 6,23 ລ້ານຄົນ.
 ພາບປະກອບ: VOV |
ອາເມລິກາ ຍັງຄົງແມ່ນປະເທດຖືກຜົນສະທ້ອນຢ່າງໜັກໜ່ວງທີ່ສຸດ, ມາຮອດປັດຈຸບັນ ມີຜູ້ຕິດເຊື້ອກວ່າ 82,47 ລ້ານຄົນ, ໃນນັ້ນ ມີຜູ້ເສຍຊີວິດກວ່າ 1,01 ລ້ານຄົນ. ຖັດຈາກນັ້ນແມ່ນ ອິນເດຍ ແລະ ບຣາຊິນ.
ຢູ່ ອາຟະລິກາ, ທ່ານປະທານາທິບໍດີ ໂມຊຳບິກ Felipe Nyusi ໄດ້ຍົກເລີກມາດຕະການຄວບຄຸມໂລກລະບາດໂຄວິດ - 19 ເຊິ່ງປະເທດນີ້ ຈັດວາງໃນ 19 ເດືອນຜ່ານມາ. ຕາມທ່ານແລ້ວ, ໄລ່ຮອດປັດຈຸບັນ, ໂມຊຳບິກໄດ້ປະຕິບັດສຳເລັດໂຄງການສັກວັກຊິນກັນພະຍາດໂຄວິດ - 19. ການນຳ ໂມຊໍາບິກ ຖະແຫຼງວ່າ ຍົກເລີກມາດຕະການປ້ອງກັນ, ຕ້ານໂລກລະບາດໂຄວິດໃນປັດຈຸບັນ ແມ່ນຈຸດເວລາທີ່ເໝາະສົມເພື່ອຮັບປະກັນຄວາມດຸ່ນດ່ຽງລະຫວ່າງດ້ານສາທາລະນະສຸກ ແລະ ເສດຖະກິດ.
ສ່ວນຢູ່ຫວຽດນາມ ນັບແຕ່ເວລາ 16 ໂມງຂອງວັນທີ 20 ເມສາ ຫາເວລາ 16 ໂມງຂອງວັນທີ 21 ເມສາ, ຫວຽດນາມມີຜູ້ຕິດເຊື້ອໂຄວິດ - 19 ໃໝ່ຕື່ມອີກ 12.029 ຄົນ, ດັ່ງນັ້ນ, ມາຮອດປັດຈຸບັນ, ຫວຽດນາມ ມີຜູ້ຕິດເຊື້ອໂຄວິດ - 19 ລວມທັງໝົດ 10.533.164 ຄົນ, ໃນນັ້ນມີ 9.076.927 ຄົນໄດ້ຮັບການປິ່ນປົວຫາຍດີເປັນປົກກະຕິ.