(VOVWORLD) -ອາເມລິກາຍັງແມ່ນປະເທດຖືກຜົນສະທ້ອນຢ່າງໜັກໜ່ວງທີ່ສຸດໃນໂລກ, ດ້ວຍຈຳນວນຜູ້ຕິດເຊື້ອກ່ວາ 75 ລ້ານຄົນ ແລະ ຜູ້ເສຍຊີວິດ ກ່ວາ 905.000 ຄົນ. ຖັດຈາກນັ້ນແມ່ນ ອິນເດຍ ແລະ ບຣາຊິນ.
 ພາບປະກອບ: TTXVN |
ຕາມເວັບໄຊສະຖິຕິ woldometer.info ແລ້ວ, ໃນຮອບເວລາ 24 ຊົ່ວໂມງທີ່ຜ່ານມາ, ໂລກມີຜູ້ຕິດເຊື້ອພະຍາດໂຄວິດ - 19 ໃໝ່ກ່ວາ 3,4 ລ້ານຄົນ, ດັ່ງນັ້ນ, ໄລ່ຮອດເວລາ 1 ໂມງ 30 ນາທີຂອງວັນທີ 29 ມັງກອນ, ໂລກມີຜູ້ຕິດເຊື້ອສະສົມຂຶ້ນເຖິງ, ກ່ວາ 370 ລ້ານຄົນ, ໃນນັ້ນມີຜູ້ເສຍຊີວິດ ກ່ວາ 5,66 ລ້ານຄົນ.
ອາເມລິກາຍັງແມ່ນປະເທດຖືກຜົນສະທ້ອນຢ່າງໜັກໜ່ວງທີ່ສຸດໃນໂລກ, ດ້ວຍຈຳນວນຜູ້ຕິດເຊື້ອກ່ວາ 75 ລ້ານຄົນ ແລະ ຜູ້ເສຍຊີວິດ ກ່ວາ 905.000 ຄົນ. ຖັດຈາກນັ້ນແມ່ນ ອິນເດຍ ແລະ ບຣາຊິນ.
ໃນສະພາບການໂລກລະບາດໂຄວິດ - 19 ຍັງກໍ່ຜົນສະທ້ອນຢ່າງຮ້າຍແຮງຕໍ່ທຸກດ້ານໃນການດຳລົງຊີວິດ, ເຊື້ອໄວຣັດສາຍພັນ Omicron ພວມສືບຕໍ່ທຳລາຍສະຖິຕິກ່ຽວກັບວິທະຍາສາດ. ຫວ່າງມໍ່ໆມານີ້, ມີນັກວິທະຍາສາດຫຼາຍທ່ານໄດ້ໃຫ້ຂໍ້ສັງເກດວ່າ: ເຊື້ອໄວຣັດສາຍພັນ Omicron ສາມາດແຜ່ລະບາດໄວທີ່ສຸດ ຫຼືເປັນຮອງ ເຊິ່ງມະນຸດຕ້ອງປະເຊີນໜ້າ, ໂດຍອີງຕາມບັນດາມາດຖານ. ຖ້າພິຈາລະນາກ່ຽວກັບຄວາມໄວໃນການແຜ່ລະບາດໃນທົ່ວໂລກແລ້ວ, ເຊື້ອໄວຣັດສາຍພັນ Omicron ແຜ່ລະບາດໄວກ່ວາໝູ່.
ສ່ວນຢູ່ ຫວຽດນາມ ນັບແຕ່ເວລາ 16 ໂມງຂອງວັນທີ 28 ມັງກອນ ຫາວັນທີ 29 ມັງກອນ, ຫວຽດນາມ ມີຜູ້ຕິດເຊື້ອໃໝ່ຕື່ມອີກ 15.150 ຄົນ, ດັ່ງນັ້ນມາຮອດປັດຈຸບັນ ຫວຽດນາມ ມີຜູ້ຕິດເຊື້ອພະຍາດໂຄວິດ - 19 ລວມທັງໝົດ 2.233.287 ຄົນ, ໃນນັ້ນມີ 1.962.597 ຄົນເສຍຊີວິດ.