ສະພາບການໂລກລະບາດໂຄວິດ - 19 ໃນໂລກ ແລະ ຫວຽດນາມ
(VOVWORLD) -ສ່ວນ ເມັກຊີໂກ, ຕາມຕົວເລກລາຍງານຂອງກະຊວງສາທາລະນະສຸກ ເມັກຊີໂກ ແລ້ວ, ໃນຮອບເວລາ 24 ຊົ່ວໂມງທີ່ຜ່ານມາ, ປະເທດໄດ້ຢັ້ງຢືນມີຜູ້ຕິດເຊື້ອພະຍາດໂຄວິດ - 19 ຕື່ມອີກ 25.000 ຄົນ, ອັນໄດ້ຍົກຈຳນວນຜູ້ຕິດເຊື້ອທັງໝົດຢູ່ປະເທດນີ້ ຂຶ້ນເຖິງກ່ວາ 3 ລ້ານຄົນ.
 ຂົນສົ່ງຜູ້ຕິດເຊື້ອພະຍາດໂຄວິດ - 19 ຢູ່ໄທ (ພາບ: TTXVN) |
ວັນທີ 13 ສິງຫາ, ໄທ ໄດ້ຢັ້ງຢືນມີຜູ້ຕິດເຊື້ອພະຍາດໂຄວິດ - 19 ຕື່ມອີກກ່ວາ 23.400 ຄົນ, ໂດຍແມ່ນຈຳນວນຜູ້ຕິດເຊື້ອໃນຮອບເວລາ 24 ຊົ່ວໂມງສູງທີ່ສຸດ ນັບແຕ່ຕົ້ນໄລຍະເກີດໂລກລະບາດໂຄວິດ - 19. ປັດຈຸບັນ, ຈຳນວນຜູ້ຕິດເຊື້ອພະຍາດໂຄວິດ - 19 ທັງໝົດຢູ່ປະເທດນີ້ ແມ່ນໄດ້ຂຶ້ນເຖິງ 863.000 ຄົນ, ໃນນັ້ນມີຜູ້ເສຍຊີວິດ ກ່ວາ 7.100 ຄົນ.
ສ່ວນ ເມັກຊີໂກ, ຕາມຕົວເລກລາຍງານຂອງກະຊວງສາທາລະນະສຸກ ເມັກຊີໂກ ແລ້ວ, ໃນຮອບເວລາ 24 ຊົ່ວໂມງທີ່ຜ່ານມາ, ປະເທດໄດ້ຢັ້ງຢືນມີຜູ້ຕິດເຊື້ອພະຍາດໂຄວິດ - 19 ຕື່ມອີກ 25.000 ຄົນ, ອັນໄດ້ຍົກຈຳນວນຜູ້ຕິດເຊື້ອທັງໝົດຢູ່ປະເທດນີ້ ຂຶ້ນເຖິງກ່ວາ 3 ລ້ານຄົນ. ມາຮອດປັດຈຸບັນ, ເມັກຊີໂກ ມີຜູ້ເສຍຊີວິດຍ້ອນໂລກລະບາດໂຄວິດ - 19 ກ່ວາ 246.000 ຄົນ.
ແລະກໍ່ໃນວັນທີ 13 ສິງຫາ, ລັດ New South Wales ຂອງອົດສະຕາລີ ໄດ້ປະກາດວ່າ ອົດສະຕາລີ ມີຈຳນວນຜູ້ຕິດເຊື້ອພະຍາດໂຄວິດ - 19 ໃໝ່ໃນຊຸມຊົນ 390 ຄົນ. ວົງການເຈົ້າໜ້າທີ່ ອົດສະຕາລີ ໄດ້ກ່າວເຕືອນວ່າ ຕົວເລກນີ້ອາດຈະເພີ່ມຂຶ້ນໃນໄລຍະເວລາ 2 – 3 ວັນຈະມາເຖິງ, ໂດຍບໍ່ຫົວຊາຕໍ່ເລື່ອງ ອຳນາດການປົກຄອງລັດ ໄດ້ຈັດວາງບັນດາມາດຕະການປິດເມືອງ.
ສ່ວນຢູ່ ຫວຽດນາມ, ນັບແຕ່ເວລາ 18 ໂມງຂອງວັນທີ 12 ສິງຫາ ຫາເວລາ 18 ໂມງຂອງວັນທີ 13 ສິງຫາ, ຫວຽດນາມ ມີຜູ້ຕິດເຊື້ອພະຍາດໂຄວິດ - 19 ຕື່ມອີກ 9.180 ຄົນ, ໃນນັ້ນມີຜູ້ໄດ້ຮັບການປິ່ນປົວຫາຍດີເປັນປົກກະຕິຕື່ມອີກ 3.593 ຄົນ.