(ພາບ:dantri.com.vn)

(vovworld)- ເຈົ້າໜ້າທີ່ປ້ອງກັນຄວາມສະຫງົບລີບີ ທ່ານໜຶ່ງໃຫ້ຮູ້ວ່າ: ວັນທີ 26/7, ທ່ານ Abdessalem al Mesmari ນັກ​ເຄື່ອນ​ໄຫວ​ການ​ເມືອງ​ລີ​ບີ ​ໄດ້​ຖືກ​ຍິງ​ຕາຍ​ຢູ່​ນະຄອນ Benghazi ​ຊື່​ງ​ແມ່ນ​ນະຄອນ​ຂາດ​ສະຖຽນ​ລະ​ພາບ​ຢູ່ລີ​ບີ. ​ແຫຼ່ງຂ່າວ​ດັ່ງກ່າວ​ຍັງ​ໃຫ້​ຮູ້​ວ່າ: ​ໃນ​ວັນທີ 26/7 ດຽວ​ກັນ​ນີ້, ​ເຈົ້າໜ້າ​ທີ່​ກອງທັບ ​ແລະ ຕຳຫຼວດ 2 ຄົນ​ກໍ່​ຖືກ​ເສຍ​ຊີວິດ​ໃນ​ການ​ບຸກ​ໂຈມ​ຕີຄັ້ງຕ່າງໆ​ຢູ່ Benghazi ​ເຊັ່ນ​ດຽວ​ກັນ.

  ​ໃນ​ຊຸມ​ເດືອນ​ມໍ່ໆ​ມາ​ນີ້, Benghazi ນະຄອນ​ໃຫ່ຍອັນ​ດັບ​ທີ 2 ຢູ່​ລີ​ບີ​ ​ແຫ່ງ​ນີ້ ​ໄດ້​ເກີດການວາງ​ລະ​ເບີດ ​ແລະ ລອບ​ສັງຫານ​ຄັ້ງຕ່າງໆ​ແນ່​ໃສ່ບັນດາ​ຜູ້​ພິພາກສາ, ​ເຈົ້າໜ້າ​ທີ່​ກອງທັບ ​ແລະ ຕຳຫຼວດ​ເຄີຍ​ເຮັດ​ວຽກ​ໃນ​ລະບອບ​ຖືກ​ໂຄ່ນ​ລົ້ມຂອງ​ການ​ນຳ Moamer Kadhafi.  ການ​ບຸກ​ໂຈມ​ຕີຄັ້ງອື່ນໆ ​ເກີດ​ຂຶ້ນ​ໄດ້​ຖືກ​ຖື​ວ່າ ຊາວ​ມຸດ​ສະ​ລິ​ມຫົວ​ຮຸນ​ແຮງ​ປະຕິບັດ​​ເພື່ອ​ຕ້າ​ນຄືນ​ຝ່າ​ຍຕາ​ເວັນ​ຕົກ.