(ພາບ:vovworld.vn)

(vovworld)- ພາຍຫລັງ​ພິທີ​ສາບານ​ຕົວ​ດຳລົງ​ຕຳ​ແໜ່​ງປະທານາທິບໍດີຊົ່ວຄາວ​ຂອງ​ປະ​ເທດ ສ.ອາຣັບອີ​ຢີບ ​ພຽງ 1 ວັນ, ວັນ​ທີ 5/7, ປະທານາທິບໍດີ Adli Mansour ​ໄດ້​ອອກ​ລັດຖະດຳລັດ ຍຸບ​ເລິກສະພາ​ສູງ ຊື່​ງ​ແມ່ນ​ອົງການ​ມີ​ສະມາຊິກ​ສ່ວນ​ຫລາຍ​​ແມ່ນຂອງ​ອົງການ​ອ້າຍ​ນ້ອງ​ຊາວ​ມຸດ​ສະ​ລິ​ມ. ກ່ອນ​ໜ້ານັ້ນ, ທ່ານ Adli Mansour ກໍ່ໄດ້​ອອກ​ລັດຖະດຳລັດ ​ແຕ່ງຕັ້ງຜູ້ອຳນວຍການ​ອົງການ​ສືບ​ລາຊະການ​ລັບ​ສາກົນ ​ແລະ ທີ່​ປຶກສາ​ຂັ້ນສູງຂອງ​ປະທານາທິບໍດີກ່ຽວ​ກັບ​ບັນຫາ​ການ​ເມືອງ ​ແລະ ລັດຖະທຳ​ມ​ະນູນສອງ​ທ່ານ. ​ໃນ​ວັນ​ດຽວ​ກັນ, ​ແນວ​ໂຮມ​ກູ້​ຊາດ, ຊື່​ງ​ແມ່ນຫຼັກ​ແຫຼ່ງຂອງ​ຝ່າຍ​ຄ້ານ​ຢູ່​ອີ​ຢີບ ​ໄດ້​ປະກາດ​ຂໍ້​ຕົກລົງ​ແຕ່ງຕັ້ງທ່ານ Mohammed Al Baradei ໜື່ງ​ໃນ​ບັນດາ​ການ​ນຳ​ຂັ້ນສູງ​ຂອງ​ແນວ​ໂຮມ ດຳລົງ​ຕຳ​ແໜ່​ງນາຍົກລັດຖະມົນຕີ​ໃນ​ລັດຖະບານ​ຊົ່ວຄາວ​ຂອງ​ອີ​ຢີບ.

  ກ່ຽວ​ກັບ​ອີ​ຢີບ, ຍັງ​ມີ​ຂ່າວ​ໃຫ້​ຮູ້​ວ່າ, ວັນ​ທີ 5/7, ສະພາ​ປ້ອງ​ກັນ​ຄວາມ​ສະຫງົບ​ປອດ​ໄພ ​ແລະ ສັນຕິພາບ​ (PSC) ຂອງ​ສະຫະພາບ​ອາ​ຟຼິກກາ (AU) ​ໄດ້​ຢຸດຕິ​ຖານະ​ເປັນ​ສະມາຊິກ​ຂອງ​ອີ​ຢີບ ພາຍຫລັງ​ກອງທັບ​ປະ​ເທດ​ນີ້ ​ໂຄ່ນ​ລົ້ມປະທາ ນາທິບໍດີ​ໂດຍ ປຊຊ ​ເລືອກ​ຕັ້ງ Mohamed Morsi. ຂໍ້​ຕົກລົງ​ນີ້​ໄດ້​ຍົກ​ອອກ​ມາ​ທີ່​ກອງ​ປະຊຸມ​ຄັ້ງທີ 384 ຂອງ AU-PSC ທີ່​ສຳນັກງານ​ຂອງ AU ຢູ່​ເອຕີ​ໂອ​ປີ​ອາ ​ເພື່ອ​ແນ​ໃສ່​ປຶກສາ​ຫາລື​ສະພາບການ​ຢູ່ອີ​ຢີບ.