ຕາມຄະນະຊີ້ນຳແຫ່ງຊາດກ່ຽວກັບການປ້ອງກັນ, ຕ້ານໂລກລະບາດໂຄວິດ-19 ຫວຽດນາມ ແລ້ວ, ໄລ່ຮອດເວລາ 6 ໂມງຂອງວັນທີ 19 ກໍລະກົດ, ຫວຽດນາມ ມີຜູ້ຕິດໂລກລະບາດໂຄວິດ-19 ພຽງ 381 ຄົນ, ບໍ່ມີຜູ້ຕິດເຊື້ອພະຍາດໃໝ່. ມີຜູ້ຕິດໂລກລະບາດໂຄວິດ- 19 ມາຈາກຕ່າງປະເທດທັງໝົດ 242, ພາຍຫຼັງເຂົ້າເມືອງຖືກແຍກຕົວໂດຍທັນທີຕາມຂໍ້ກຳນົດ. ມາຮອດປະຈຸບັນ, ໄດ້ມີຜູ້ຕິດໂລກລະບາດໂຄວິດ - 19 ລວມ 357 ຄົນໄດ້ຮັບການປິ່ນປົວຫາຍດີແລ້ວ. ບັນດາຄົນເຈັບທີ່ຍັງເຫຼືອພວມໄດ້ຮັບການປິ່ນປົວຢູ່ບັນດາຮາກຖານການແພດພາຍໃນປະເທດ.

ກ່ອນໜ້ານັ້ນ, ວັນທີ 18 ກໍລະກົດ, ບັນດາເຈົ້າໜ້າທີ່ຂອງຫວຽດນາມ, ສະຖານທູດຫວຽດນາມ ປະຈຳຟິລິບປິນ ໄດ້ສົມທົບກັບບັນດາອົງການທີ່ມີໜ້າທີ່ຂອງຟີລິບປິນ ຈັດສົ່ງພົນລະເມືອງຫວຽດນາມ 240 ຄົນຈາກປະເທດນີ້ກັບເມືອຫວຽດນາມ. ພາຍຫຼັງລົງຈອດຢ່າງປອດໄພຢູ່ສະໜາມບິນສາກົນ ເກິນເທີ, ຜູ້ໂດຍສານທັງໝົດ ແລະ ຈຸບິນ ໄດ້ກວດສຸຂະພາບ ແລະ ນຳໄປແຍກຕົວຢູ່ບັນດາຮາກຖານການແພດຖືກຕ້ອງຕາມຂໍ້ກຳນົດ.

ໃນເຫດການທີ່ກ່ຽວຂ້ອງ. ໃນຮອບເວລາ 24 ຊົ່ວໂມງຜ່ານມາ, ໂລກມີຜູ້ຕິດໂລກລະບາດໃໝ່ແມ່ນ 212.700 ຄົນ ແລະ ມີຜູ້ເສຍຊີວິດແມ່ນ 4.862 ຄົນ, ອັນໄດ້ຍົກຈຳນວນຜູ້ຕິດໂລກລະບາດໂຄວິດ- 19 ຂຶ້ນກວ່າ 14,4 ລ້ານຄົນ ແລະ ຜູ້ເສຍຊີວິດແມ່ນ 604.058 ຄົນ.