ປະທານາທິບໍດີ​ລັດ​ເຊຍ V.Putin

 (ພາບ: baomoi.com)

 (vovworld)- ວັນ​ທີ 9/3, ປະທານາທິບໍດີ​ລັດ​ເຊຍ V.Putin ປະກາດ​ວ່າ: ບັນດາ​ບາດກ້າວ​ເດີນ​ໂດຍ​ອຳນາດການ​ປົກຄອງຢູ່​ເຂດ Crimea ຂອງ​ຢູ​ແກຼນ ດຳ​ເນີນ​ແມ່ນ​ຕາມກົດ​ໝາຍ​ສາກົນ. ​ໃນ​ຄຳ​ປະກາດ​ໜຶ່ງ, ວັງ​ແກຼມລີ ​ໃຫ້​ຮູ້​ວ່າ: ​ໃນ​ການ​ເຈລະຈາ​ທາງ​ໂທລະສັບ​ກັບ​ທ່ານ​ນາງ​ນາຍົກລັດຖະມົນຕີ​ເຢຍລະ​ມັນ​ Angela Merkel​ ແລະ ນາຍົກລັດຖະມົນຕີອັງກິດ David Cameron, ປະທານາທິບໍດີລັດ​ເຊຍ V.Putin ​ເນັ້ນໜັກ​ວ່າ: ບັນດາ​ບາດກ້າວ​ເດີນ​ໂດຍ​ອຳນາດ​ການ​ປົກຄອງຖືກ​ກັບ​ກົດໝາຍ​ຂອງ Crimea ດຳ​ເນີນ​ແມ່ນ​ອີງ​ຕາມ​ກົດໝາຍ​ສາກົນ ​ແລະ ​ເພື່ອ​ແນ​ໃສ່​ຮັບປະກັນ​ສິດຜົນປະ​ໂຫຍ​ດອັນ​ຊອບ​ທຳ​ໃຫ້​ແກ່ ປຊຊ ​ໃນ​ແຫຼມ​​ແຫ່ງ​ນີ້. ຄາດ​ວ່າ, ວັນ​ທີ 16/3, ປະ​ເທດ​ສາທາລະນະ​ລັດ​ປົກຄອງ​ດ້ວຍ​ຕົນ​ເອງ Crimea ຂອງ​ຢູ​ແກຼນ ຈະ​ລົງ​ປະຊາ​ມະຕິ​ກ່ຽວ​ກັບ​ການ​ໂອນ​ເຂົ້າສະຫະພັນ​ລະ​ເຊຍ. ການ​ລົງ​ປະຊາ​ມະຕິ​ຈະ​ດຳ​ເນີນ​ໄປພາຍຫຼັງທີ່​ລັດຖະສະພາ Crimea ຮັບຮອງ​ເອົາຂໍ້​ຕົກລົງ​ທີ່​ມີ​ລັກສະນະ​ຫຼັກການ​ກ່ຽວ​ກັບ​ການ​ໂອນ​​ແຫຼມ​ແຫ່ງ​ນີ້​ເຂົ້າສະຫະພັນ​ລັດ​ເຊຍ./.