(vovworld)- ໂດຍສືບຕໍ່ກອງປະຊຸມສະໄໝສາມັນເທື່ອທີ 8 ສະພາແຫ່ງຊາດຫວຽດນາມຊຸດທີ 13, ຕອນບ່າຍວັນທີ 18/11 ທ່ານລັດຖະມົນຕີກະຊວງຄົມມະນາຄົມຂົນສົ່ງ ດິງລາທັງ ໄດ້ຕອບຄຳຊັກຖາມບັນດາສ.ສ.ຊ ກ່ຽວກັບວິທີການແກ້ໄຂໂດຍບຸກທະລຸກ່ຽວກັບການກໍ່ສ້າງໂຄງປະກອບໂຄງລ່າງຄົມມະນາຄົມ, ຄຸ້ມຄອງການເຄື່ອນໄຫວດຳເນີນທຸລະກິດຂົນສົ່ງ…..
ກ່ຽວກັບ ການກໍ່ສ້າງໂຄງປະກອບໂຄງລ່າງຄົມມະນາຄົມເພື່ອພັດທະນາເສດຖະກິດ, ທ່ານລັດຖະມົນຕີກະຊວງຄົມມະນາຄົມຂົນສົ່ງ ດິງລາທັງ ໃຫ້ຮູ້ວ່າ :
“ ປະຈຸບັນ, ສູນກາງພັກ, ສະພາແຫ່ງຊາດ, ລັດຖະບານພວມຊີ້ນຳຂະແໜງຄົມມະນາຄົມປະຕິບັດໜ້າທີ່ພັດທະນາໂຄງປະກອບໂຄງລ່າງຄົມມະນາຄົມຢ່າງກະໂດດ ຂັ້ນດ້ວຍບາງກິດຈະກຳທັນສະໄໝເພື່ອເປັນກຳລັງຊຸກຍູ້ການພັດທະນາເສດຖະກິດສັງຄົມຂອງປະເທດຊາດ. ກະຊວງຄົມມະນາຄົມຂົນສົ່ງພວມນຳສະເໜີຫຼາຍກົນໄກນະໂຍບາຍເພື່ອປຸກລະດົມບັນດາແຫຼ່ງກຳລັງສັງຄົມເພື່ອເຂົ້າຮ່ວມການລົງທຶນພັດທະນາໂຄງປະກອບໂຄງລ່າງຄົມມະນາຄົມ”.
ກ່ຽວກັບວຽກງານປ້ອງກັນ ແລະ ຕ້ານການສໍ້ລາດບັງຫຼວງຂອງກະຊວງຄົມມະນາຄົມຂົນສົ່ງ, ທ່ານລັດຖະມົນຕີກະຊວງຄົມມະນາຄົມຂົນສົ່ງ ດິງລາທັງ ຖືວ່າ ນີ້ແມ່ນບັນຫາໃຫຍ່ ບໍ່ພຽງແຕ່ຢູ່ໃນຂະແໜງຄົມມະນາຄົມເທົ່ານັ້ນ. ດັ່ງນັ້ນທາງກະຊວງໄດ້ຍົກອອກບັນດາວິທີການແກ້ໄຂ ຕ້ານການສໍ້ລາດບັງຫຼວງ.
ກ່ອນໜ້ນັ້ນ, ໃນຕອນເຊົ້າວັນທີ 18/11, ບັນດາສະມາຊິກສະພາແຫ່ງຊາດ (ສສຊ) ຊັກຖາມລັດຖະມົນຕີວ່າການກະຊວງພາຍໃນ ຫງວຽນທ໋າຍບີ່ງ. ບັນດາຄຳຊັກຖາມກ່ຽວຂ້ອງເຖິງຫົວຂໍ້ ມາດຕະການປະຕິບັດແຜນຮ່າງຫລຸດຜ່ອນບັນຈຸພະນັກງານ, ລັດຖະກອນ, ແກ້ໄຂສະພາບມີຮອງຫົວໜ້າບັນດາອົງການສູນກາງຫຼາຍໂພດ, ມາດຕະການດຶງດູດຜູ້ມີຄວາມເກັ່ງກ້າສາມາດເຂົ້າເຮັດວຽກໃນອົງການຂອງລັດ.
ຕໍ່ໜ້າສະພາບການແຕ່ງຕັ້ງຕຳແໜ່ງຮອງຫົວໜ້າຫຼາຍໂພດນັ້ນ, ທ່ານລັດຖະມົນຕີວ່າການກະຊວງພາຍໃນ ໃຫ້ຮູ້ວ່າ: ເພື່ອຈຳກັດສະພາບການນີ້, ທາງກະຊວງຈະມີແຜນ ສັງລວມເພື່ອເຫັນດີເປັນເອກະພາບໃນທົ່ວປະເທດ.
ເມື່ອເຕື້ອງເຖິງຄຸນນະພາບລັດຖະກອນ, ດຶງດູດຜູ້ມີຄວາມເກັ່ງກ້າສາມາດ, ທ່ານ ຫງວຽນທ໋າຍບີ່ງ ໃຫ້ຮູ້ວ່າ:
“ທີໜຶ່ງຕ້ອງປ່ຽນໃໝ່ກົນໄກຕີລາຄາຕາມຫຼັກການຂັ້ນເທິງຕີລາຄາຂັ້ນລຸ່ມ, ການນຳໃຊ້ບັນດາຜູ້ມີຄວາມເກັ່ງກາສາມາດ, ເຮັດວຽກງານໄດ້ດີ. ກະຊວງພາຍໃນໄດ້ຮັບມອບໝາຍຈາກກົມການເມືອງໃຫ້ສ້າງແຜນງານສ້າງແຫຼ່ງພະນັກງານຈາກນັກສຶກສາຮຽນຈົບດ້ວຍຄະແນນສູງ ແລະ ໄດ້ຮັບການຮັບຮອງເອົາ. ພວກຂ້າພະເຈົ້າພວມສ້າງແຜນຮ່າງເພື່ອຍື່ນສະເໜີຕໍ່ນາຍົກລັດຖະມົນຕີອະນຸມັດຜ່ານແນໃສ່ຜັນຂະຫຍາຍເນື້ອໃນນີ້. ນັບແຕ່ນີ້ຮອດປີ 2020, ຮັບປະກັນຄັດເລືອກນັກສືກສາດີເດັ່ນ, ບັນດານັກວິທະຍາສາດໜຸ່ມນັບພັນຄົນ ເຂົ້າເຮັດວຽກຢູ່ບັນດາອົງການຂອງພັກ, ລັດ. ທີສອງແມ່ນພວກຂ້າພະເຈົ້າພວມສ້າງມະຕິນຳໃຊ້ບັນດາຜູ້ມີຄວາມເກັ່ງກ້າສາມາດເພື່ອຍື່ນສະເໜີຕໍ່ນາຍົກລັດຖະມົນຕີອະນຸມັດຜ່ານ. ທີສາມແມ່ນພົ້ນຕຳແໜ່ງ, ປ່ຽນວຽກງານສຳລັບບັນດາຜູ້ບໍ່ສາມາດຕອບສະໜອງວຽກງານໄດ້, ຄົ້ນຄ້ວາພຽງແຕ່ແຕ່ງຕັ້ງຜູ້ມີຄວາມເກັ່ງກ້າສາມາດ, ຄຸນນະທາດເທົ່ານັ້ນ ”
ກ່ຽວກັບການຜັນຂະຫຍາຍແຜນຮ່າງກຳນົດທີ່ຕັ້ງວຽກງານ, ທ່ານລັດຖະມົນຕີວ່າການກະຊວງພາຍໃນ ຫງວຽນທ້າຍບິ່ງ ໃຫ້ຮູ້ວ່າ, ນີ້ແມ່ນຄັ້ງທຳອິດທີ່ຫວຽດນາມ ປະຕິບັດແຜນງານດັ່ງກ່າວ. ດ້ວຍພາລະບົດບາດຄຸ້ມຄອງຂອງຕົນ, ກະຊວງພາຍໃນໄດ້ຜັນຂະຫຍາຍບັນດາກອງປະຊຸມຝຶກອົບຮົມໃນທົ່ວປະເທດ. ໄລ່ມາຮອດຈຸດເວລານີ້, ມີ 24 ທ້ອງຖິ່ນ ແລະ ຫຼາຍອົງການສູນກາງໄດ້ສ້າງສຳເລັດແຜນງານທີ່ຕັ້ງວຽກງານຂອງຂະແໜງ, ທ້ອງຖິ່ນຕົນ. ກະຊວງພາຍໃນພວມພິຈາລະນາ ແລະ ຈະເຊັນອະນຸມັດໃນໄລຍະຈະມາເຖິງ. ຕາມຂໍ້ກຳນົດ, ເຖິງເດືອນ 06/2015, ມີ 70% ບັນດາອົງການ, ອົງການຈັດຕັ້ງ ຫົວໜ່ວຍຕ້ອງສ້າງແຜນງານໃຫ້ສຳເລັດ. ສະພາບຕົວຈິງຊີ້ໃຫ້ເຫັນວ່າ ຄາດໝາຍດັ່ງກ່າວຈະບັນລຸໄດ້. ກ່ຽວກັບການຫຼຸດຜ່ອນບັນຈຸພະນັກງານ, ທ່ານລັດຖະມົນຕີວ່າການກະຊວງພາຍໃນໃຫ້ຮູ້ວ່າ.
“ໃນຕໍ່ໜ້າ, ນາຍົກລັດຖະມົນຕີຈະປະກາດໃຊ້ມະຕິແທນໃຫ້ມະຕິ 132 ດ້ວຍຈຸດໃໝ່ຫຼາຍຢ່າງ ເພື່ອສ້າງເງື່ອນໄຂສະດວກໃຫ້ແກ່ບັນດາອົງການ, ທ້ອງຖິ່ນໃນການຫຼຸດຜ່ອນບັນຈຸພະນັກງານ, ເຊິ່ງຄາດວ່າ ຈະໄດ້ຮັບການຜັນຂະຫຍາຍແຕ່ຕົ້ນປີ 2015. ທີ 2 ແມ່ນ, ກ່ຽວກັບແຜນງານຫຼຸດຜ່ອນບັນຈຸພະນັກງານ, ກ່ອນນີ້, ກົມການເມືອງໄດ້ມອບໃຫ້ກະຊວງພາຍໃນ ສ້າງແຜນງານພຽງແຕ່ຫຼຸດຜ່ອນພະນັກງານລັດຖະກອນຈາກຂັ້ນສູນກາງລົງຮອດຂັ້ນເມືອງເທົ່ານັ້ນ ແຕ່ຜ່ານສະພາບຕົວຈິງສະແດງໃຫ້ເຫັນວ່າ, ຖັນແຖວດັ່ງກ່າວແມ່ນບໍ່ຫຼາຍ ຫາກຕ້ອງລວມມີພະນັກງານ, ພາລະກອນ, ລັດຖະກອນ ຈາກຂັ້ນສູນກາງລົງຮອດຂັ້ນຕາແສງ, ບ້ານ ອີກດ້ວຍ. ພວກຂ້າພະເຈົ້າພວມປັບປຸງສຳເລັດເພື່ອໃຫ້ ກອງປະຊຸມສູນກາງຈະມາເຖິງພິຈາລະນາ. ຖ້າໄດ້ຮັບການຮັບຮອງເອົາ ຈະຫັນເປັນລະບຽບກົດໝາຍເພື່ອນຳເຂົ້າຊີວິດ”.