(vovworld) – ໂດຍສືບຕໍ່ກອງປະຊຸມສະໄໝສາມັນເທືຶ່ອທີ 8, ສະພາແຫ່ງຊາດຊຸດທີ 13, ວັນທີ 1/11, ບັນດາສະມາຊິກສະພາແຫ່ງຊາດ (ສສຊ) ສຸມໃສ່ປຶກສາຫາລື 3 ຂົງສຳຄັນແມ່ນສ້າງໂຄງປະກອບການລົງທຶນແຫ່ງລັດຄືນໃໝ່, ສ້າງໂຄງປະກອບລະບົບທະນາຄານຄືນໃໝ່ ແລະ ສ້າງໂຄງປະກອບວິສາຫະກິດຄືນໃໝ່. ຕີລາຄາລວມ, ບັນດາ ສສຊ ຮັບຮູ້ວ່າ: ພາຍຫຼັງ 3 ປີແຫ່ງການປະຕິບັດ, ການສ້າງໂຄງປະກອບພື້ນຖານເສດຖະກິດຄືນໃໝ່ໄດ້ນຳມາເຊິ່ງໝາກຜົນໃນເບື້ອງຕົ້ນ. ບັນດາລັດວິສາຫະກິດໄດ້ຮັບການຈັດຕັ້ງ, ດັດປັບ, ສຸມໃສ່ເຂົ້າໃນຂົງເຂດດຳເນີນທຸລະກິດເປັນຕົ້ນ. ເຖິງຢ່າງໃດກໍ່ຕາມ, ເລື່ອງສ້າງໂຄງປະກອບພື້ນຖານເສດຖະກິດຄືນໃໝ່ບໍ່ທັນຮອບດ້ານ, ບໍ່ທັນຄົບຊຸດ ແລະ ບາງທ້ອງຖີ່ນຜັນຂະຫຍາຍການສ້າງໂຄງປະກອບຄືນໃໝ່ຢ່າງຊັກຊ້າ. ເມື່ອເຕື້ອງເຖິງການຫັນກຸ່ມບໍລິສັດ, ບໍລິສັດໃຫຍ່ເປັນຫຸ້ນສ່ວນ, ທ່ານ ເທີນດຶກນາມ, ສສຊ ນະຄອນ ດ່າໜັ້ງ, ຊົມເຊີຍຄວາມຕັດສິນໃຈຂອງນາຍົກລັດຖະມົນຕີ ຊີ້ນຳຕ້ອງຫັນເປັນຫຸ້ນສ່ວນລັດວິສາຫະກິດກ່ວາ 400.000 ແຫ່ງໃນປີ 2014 – 2015. ເພື່ອປະຕິບັດໄດ້ຈຸດໝາຍດັ່ງກ່າວ, ທ່ານ ເທີນດຶກນາມ, ຖືວ່າ:
“ສຳລັບບໍລິສັດໃຫຍ່ແຫ່ງລັດຂຶ້ນກັບພາກສ່ວນລັດດຳເນີນທຸລະກິດຕາມມະຕິສູນກາງພັກຄັ້ງທີ 3 ຊຸດທີ 11 ເຊິ່ງພາຍຫຼັງຫັນເປັນຫຸ້ນສ່ວນກໍ່ຖອນທຶນ 100%, ລັດບໍ່ຄວນຮັກສາຫຸ້ນສ່ວນໄວ້. ທີສອງແມ່ນຕ້ອງສ້າງຮູບແບບການຄຸ້ມຄອງລັດສຳລັບບັນດາລັດວິສາຫະກິດຍັງເຫຼືອພາຍຫຼັງຫັນເປັນຫຸ້ນສ່ວນ, ຈັດແບ່ງເໝາະສົມກັບຂົງເຂດເຄື່ອນໄຫວຂອງວິສາຫະກິດ. ທີສາມແມ່ນ, ສ້າງແຜນການນຳໃຊ້ທຶນຂອງລັດພາຍຫຼັງຫັນວິສາຫະກິດເປັນຫຸ້ນສ່ວນຕາມຈິດໃຈລັດບໍ່ຮັກສາວິສາຫະກິດເພື່ອຫາກຳໄລເຊິ່ງລັດຈະລົງທຶນເຂົ້າບັນດາຂົງເຂດທີ່ເອກະຊົນບໍ່ເຮັດຄື: ເຕັກໂນໂລຢີສູງ, ພື້ນຖານໂຄງລ່າງ, ເສດຖະກິດທະເລ, ອຸດສາຫະກຳປ້ອງກັນຊາດ.”
ໃນຂົງເຂດສ້າງໂຄງປະກອບການລົງທຶນແຫ່ງລັດຄືນໃໝ່ນັ້ນ, ໃນ 3 ປີຜ່ານມາ, ຫວຽດນາມ ຈັດແບ່ງທຶນສຸມໃສ່ເຂົ້າໃນບັນດາໂຄງການຈຸດສຸມ, ຫຼີກລ້ຽງສະພາບລົງທຶນກະແຈກກະຈາຍ, ຈຳນວນໂຄງການທີ່ເລີ່ມປະຕິບັດໃໝ່ຫລຸດຜ່ອນຢ່າງແຮງ. ເຖິງຢ່າງໃດກໍ່ຕາມ, ເລື່ອງປະກາດໃຊ້ກອບກົດໝາຍເພື່ອປະຕິບັດການສ້າງໂຄງປະກອບການລົງທຶນແຫ່ງລັດຍັງຊັກຊ້າຢູ່. ທ່ານ ຮ່ວາງດັງກວາງ, ສສຊ ແຂວງ ກວາງບິ່ງ, ສະເໜີວ່າ:
“ສືບຕໍ່ສ້າງສຳເລັດລະບອບກົດດໝາຍກ່ຽວກັບການສ້າງໂຄງປະກອບການລົງທຶນແຫ່ງລັດຄືນໃໝ່. ໃນຕໍ່ໜ້າແມ່ນປະກາດໃຊ້ບັນດາເອກະສານແນະນຳການປະຕິບັດບັນດາກົດໝາຍທີ່ກ່ຽວຂ້ອງ, ສ້າງແຜນຮ່າງສັງລວມສ້າງໂຄງປະກອບການລົງທຶນແຫ່ງລັດຄືນໃໝ່ເພື່ອກຳນົດວິວັດການ, ບາດກ້າວເດີນລະອຽດເພື່ອສ້າງຄວາມສະດວກໃຫ້ແກ່ວຽກງານຄຸ້ມຄອງບໍລິຫານ. ທີສອງສ້າງໂຄງປະກອບການລົງທຶນແຫ່ງລັດຄືນໃໝ່ຄວນມີການຫັນປ່ຽນຢ່າງແຮງທັງທາງດ້ານຈິນຕະນາການ ແລະ ທັດສະນະ, ຄົ້ນຄ້ວາກົນໄກເປີດກ້ວາງບັນດາຮູບແບບການລົງທຶນເພື່ອສົ່ງເສີມເອກະຊົນເຂົ້າຮ່ວມການລົງທຶນ.”