ສະພາແຫ່ງຊາດສືບຕໍ່ການຊັກຖາມ ແລະ ປຶກສາຫາລືບັນດາຮ່າງເອກະສານ ຍື່ນສະເໜີຕໍ່ກອງປະຊຸມໃຫຍ່ຄັ້ງທີ XIII ຂອງພັກ
(VOVWORLD) -ຕອນເຊົ້າວັນທີ 10 ພະຈິກ, ສະພາແຫ່ງຊາດໄດ້ຈັດກອງປະຊຸມຄົບຄະນະຢູ່ຫໍປະຊຸມ, ສືບຕໍ່ການຊັກຖາມ ແລະ ຕອບຄຳຊັກຖາມ ກ່ຽວກັບບັນດາບັນຫາທີ່ກ່ຽວຂ້ອງເຖິງການປະຕິບັດບັນດາມະຕິ ຂອງສະພາແຫ່ງຊາດ ກ່ຽວກັບການຕິດຕາມກວດກາຕາມຫົວເລື່ອງສະເພາະ ແລະ ການຊັກຖາມ ໃນອາຍຸການຊຸດທີ XIV ແລະ ບາງມະຕິໃນອາຍຸການຊຸດທີ XIII.
 ການຊັກຖາມໃນວັນທີ 9 ພະຈິກ (ພາບ: TTXVN) |
ທ່ານນາຍົກລັດຖະມົນຕີ ຈະກ່າວຄຳເຫັນເພື່ອເຮັດໃຫ້ແຈ້ງ ບາງບັນຫາທີ່ກ່ຽວຂ້ອງຂຶ້ນກັບຄວາມຮັບຜິດຊອບຂອງ ລັດຖະບານ ແລະ ຕອບຄຳຊັກຖາມຂອງສະມາຊິກສະພາແຫ່ງຊາດໂດຍກົງ ວາລະຊັກຖາມ ແລະ ຕອບຄຳຊັກຖາມໄດ້ ຖ່າຍທອດສົດທາງວິທະຍາສາດກະຈາຍສຽງ ແລະ ໂທລະພາບເພື່ອໃຫ້ຜູ້ມີສິດເລືອກຕັ້ງ ແລະ ປະຊາຊົນຕິດຕາມ.
ທີ່ວາລະປະຊຸມໃນຕອນບ່າຍວັນທີ 10 ພະຈິກ, ສະພາແຫ່ງຊາດໄດ້ປຶກສາຫາລືຢູ່ຕາມໜ່ວຍກ່ຽວກັບບັນດາຮ່າງເອກະສານຍື່ນສະເໜີຕໍ່ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XIII ຂອງພັກ. ບັນດາຮ່າງເອກະສານຍື່ນສະເໜີຕໍ່ກອງປະຊຸມໃຫຍ່ ຄັ້ງທີ XIII ຂອງພັກລວມມີ: ຮ່າງບົດລາຍງານການເມືອງ, ຮ່າງບົດລາຍງານສະຫຼຸບການປະຕິບັດຍຸດທະສາດພັດທະນາເສດຖະກິດ - ສັງຄົມໄລຍະ 10 ປີ 2021 – 2030…