(vovworld) - ໃນບົດລາຍງານຂອງລັດຖະບານກ່ຽວກັບວຽກງານປ້ອງກັນ, ຕ້ານການສໍ້ລາດບັງຫຼວງປີ 2013 ຕໍ່ສະພາແຫ່ງຊາດໃນຕອນເຊົ້າວັນທີ 22/10, ຫົວໜ້າອົງການກວດກາລັດຖະບານ ທ່ານ ຮິ່ງຟອງແຈງ ຊີ້ແຈງວ່າ: ໃນປີ 2013, ອົງການກວດກາແຫ່ງລັດໄດ້ພົບເຫັນ 80 ກໍລະນີ, 90 ຄົນມີການກະທຳກ່ຽວຂ້ອງເຖິງການສໍ້ລາດບັງຫຼວງດ້ວຍຈຳນວນເງິນ 117,5 ຕື້ດົ່ງ, ເກັບມາໄດ້ 59 ຕື້ດົ່ງ. ເຖິງວ່າມີບາງກໍລະນີສໍ້ລາດບັງຫຼວງທີ່ຮ້າຍແຮງ, ສັບສົນ ໄດ້ຮັບຄວາມສົນໃຈຈາກຫາງສຽງສັງຄົມໄດ້ຮັບການພິພາກສາຢ່າງທັນການແລ້ວກໍ່ຕາມ, ແຕ່ວຽກງານຄົ້ນພົບ ແລະ ແກ້ໄຂການກະທຳສໍ້ລາດບັງຫຼວງໃນປີ 2013 ຍັງຖືກຈຳກັດຫຼາຍຢ່າງ.
ເມື່ອກວດກາບົດລາຍງານນີ້, ຫົວໜ້າກຳມາທິການກົດໝາຍຂອງສະພາແຫ່ງຊາດ ທ່ານ ຫງວຽນວັນຮ້ຽນ ເນັ້ນໜັກວ່າ ປະສິດທິຜົນແຫ່ງການເຄື່ອນໄຫວຂອງບັນດາຫົວໜ່ວຍສະເພາະກິດກ່ຽວກັບການຕ້ານສໍ້ລາດບັງຫຼວງ ຍັງບໍ່ທັນຕອບສະໜອງຄວາມຮຽກຮ້ອງຕ້ອງການ. ບາງມາດຕະການປ້ອງກັນ, ຕ້ານການສໍ້ລາດບັງຫຼວງຍັງຜັນຂະຫຍາຍຢ່າງຊັກຊ້າ ຫຼື ບໍ່ບັນລຸປະສິດທິຜົນສູງ.
ເພື່ອໃຫ້ວຽກງານປ້ອງກັນ, ຕ້ານການສໍ້ລາດບັງຫຼວງມີປະສິດທິຜົນກ່ວາອີກ, ທ່ານ ດິງຊວນຖາວ, ສະມາຊິກສະພາແຫ່ງຊາດນະຄອນ ຮ່າໂນ້ຍ, ຖືວ່າ:
“ຂໍ້ກຳນົດຂອງກົດໝາຍໃນປະຈຸບັນແມ່ນຄົບຖ້ວນ ແລະ ແໜ້ນແຟ້ນພໍສົມຄວນ. ບັນຫາວາງອອກແມ່ນການຈັດຕັ້ງປະຕິບັດ. ຕົວຢ່າງຄືວຽກງານແຈ້ງຊັບສິນໃນບັນດາອົງການ ບັນດາແຫຼ່ງລາຍຮັບ - ລາຍຈ່າຍຕ້ອງເປີດເຜີຍເພື່ອໃຫ້ທຸກຄົນໄດ້ຕິດຕາມກວດກາ. ກ່ຽວກັບລາຍຮັບສ່ວນຕົວ, ກໍ່ມີຂໍ້ກຳນົດຢ່າງຈະແຈ້ງແລ້ວແຕ່ຕ້ອງແຈ້ງຊັບສິນຄືແນວໃດ, ຄວບຄຸມຄືແນວໃດ.”
ຫົວໜ້າກຳມາທິການກົດໝາຍຂອງສະພາແຫ່ງຊາດ ຫງວຽນວັນຮ້ຽນ ສະເໜີວ່າ:
“ສຸມກຳລັງໃນການປັບປຸງກົນໄກ, ນະໂຍບາຍກົດໝາຍ, ແກ້ໄຂຊ່ອງວ່າງໃນການຄຸ້ມຄອງເສດຖະກິດ, ສັງຄົມ, ພິເສດແມ່ນໃນຂົງເຂດມີຄວາມສະດຸງໄວ ເກີດການສໍ້ລາດບັງຫຼວງ, ສິ່ງຫຍໍ້ທໍ້ງ່າຍ. ເພີ່ມສິດ, ຄວາມຮັບຜິດຊອບ ແລະ ລັກສະນະເອກະລາດຂອງອົງການກວດກາ, ກວດສອບໃນການພົບເຫັນ ແລະ ແກ້ໄຂການກະທຳສໍ້ລາດບັງຫຼວງ. ລັດຖະບານຄົ້ນຄ້ວາຢ່າງຮີບດ່ວນເພື່ອປະກາດໃຊ້ ຫຼື ຍື່ນສະເໜີຕໍ່ສະພາແຫ່ງຊາດ, ປະກາດໃຊ້ກົນໄກທີ່ມີປະສິດທິຜົນກ່ວາເພື່ອຄວບຄຸມຊັບສົມບັດ, ລາຍຮັບ ບໍ່ພຽງແຕ່ສຳລັບຜູ້ມີຕຳແໜ່ງ, ສິດອຳນາດເທົ່ານັ້ນ ຫາກສຳລັບພະນັກງານ, ລັດຖະກອນທັງໝົດຢ່າງມີປະສິດທິຜົນອີກດ້ວຍ”