ສະພາແຫ່ງຊາດໃຫ້ສັດຕະຍາບັນພົ້ນຕຳແໜ່ງບຸກຄະລາກອນສະພາເລືອກຕັ້ງແຫ່ງຊາດແລະສະພາປ້ອງກັນຊາດປ້ອງກັນຄວາມສະຫງົບ
ສະພາແຫ່ງຊາດໃຫ້ສັດຕະຍາບັນພົ້ນຕຳແໜ່ງບຸກຄະລາກອນ
ສະພາເລືອກຕັ້ງແຫ່ງຊາດແລະສະພາປ້ອງກັນຊາດປ້ອງກັນຄວາມສະຫງົບ
(ພາບ: TTXVN)
(vovworld) - ຕອນເຊົ້າວັນທີ 11/04, ດ້ວຍບັດສະໜັບສະໜູນສ່ວນຫຼາຍ, ສະພາແຫ່ງຊາດໄດ້ຮັບຮອງເອົາມະຕິໃຫ້ສັດຕະຍາບັນຂໍ້ສະເໜີຂອງທ່ານນາງປະທານສະພາເລືອກຕັ້ງແຫ່ງຊາດ ຫງວຽນທິກິມເງິນ ກ່ຽວກັບເລື່ອງພົ້ນຕຳແໜ່ງຮອງປະທານ ແລະ ກຳມະການສະພາເລືອກຕັ້ງແຫ່ງຊາດບາງທ່ານ ແລະ ຮັບຮອງເອົາມະຕິໃຫ້ສັດຕະຍາບັນນີ້. ຕາມນັ້ນແລ້ວ, ຈະພົ້ນຕຳແໜ່ງຮອງປະທານສະພາເລືອກຕັ້ງແຫ່ງຊາດສຳລັບທ່ານ ຫງວຽນຊວນຟຸກ, ນາຍົກລັດຖະມົນຕີ ແລະ ທ່ານນາງ ຫງວຽນທິຢວານ, ອະດີດຮອງປະທານປະເທດ. ສະພາແຫ່ງຊາດໄດ້ໃຫ້ສັດຕະຍາບັນ ແລະ ຮັບຮອງເອົາມະຕິໃຫ້ສັດຕະຍາບັນຂໍ້ສະເໜີຂອງທ່ານປະທານປະເທດ ເຈີນດາຍກວາງ ກ່ຽວກັບເລື່ອງພົ້ນຕຳແໜ່ງຮອງປະທານປະເທດ ແລະ ກຳມະການສະພາປ້ອງກັນຊາດ, ປ້ອງກັນຄວາມສະຫງົບ. ຕາມນັ້ນແລ້ວ, ສະພາແຫ່ງຊາດເຫັນດີໃຫ້ພົ້ນຕຳແໜ່ງຮອງປະທານສະພາປ້ອງກັນຊາດ, ປ້ອງກັນຄວາມສະຫງົບສຳລັບທ່ານ ຫງວຽນເຕີນຢຸງ, ອະດີດນາຍົກລັດຖະມົນຕີ; ໃຫ້ສັດຕະຍາບັນພົ້ນຕຳແໜ່ງກຳມະການສະພາປ້ອງກັນຊາດ, ປ້ອງກັນຄວາມສະຫງົບສຳລັບທ່ານ ຫງວຽນຊິງຮຸ່ງ, ອະດີດປະທານສະພາແຫ່ງຊາດ ແລະ ທ່ານ ຟຸ່ງກວາງແທງ, ອະດີດລັດຖະມົນຕີວ່າການກະຊວງປ້ອງກັນປະເທດ.
ແລະກໍໃນຕອນເຊົ້າວັນດຽວກັນ, ທ່ານນາງປະທານສະພາເລືອກຕັ້ງແຫ່ງຊາດ ຫງວຽນທິກິມເງິນ ໄດ້ຍື່ນສະເໜສະພາແຫ່ງຊາດໃຫ້ສັດຕະຍາບັນ ບັນຊີລາຍຊື່ຮອງປະທານ ແລະ ກຳມະການສະພາເລືອກຕັ້ງແຫ່ງຊາດບາງທ່ານ. ຮອງປະທານສະພາເລືອກຕັ້ງແຫ່ງຊາດລວມມີ: ທ່ານ ເຈືອງຮ່ວາບິ່ງ, ຮອງນາຍົກລັດຖະມົນຕີ; ທ່ານນາງ ດັ້ງທິງອກທິ້ງ, ຮອງປະທານປະເທດ.