ສະມັດຊາໃຫຍ່ ເວທີປາໄສການທ່ອງທ່ຽວລະຫວ່າງພາກພື້ນ ອາຊີຕາເວັນອອກ (EATOF) ຄັ້ງທີ 17 ຈະຈັດຂຶ້ນຢູ່ແຂວງ ກວາງນິງ ແຕ່ວັນທີ 25 ຫາວັນທີ 27 ຕຸລາ(ພາບ: VOV)

ນັບແຕ່ວັນທີ 25 ຫາວັນທີ 27 ຕຸລາ ຢູ່ແຂວງ ກວາງນິງ ຂອງ ຫວຽດນາມ ຈະດຳເນີນສະມັດຊາໃຫຍ່ ເວທີປາໄສການທ່ອງທ່ຽວລະຫວ່າງພາກພື້ນ ອາຊີຕາເວັນອອກ (EATOF) ຄັ້ງທີ 17, ປີ 2022 ດ້ວຍການເຂົ້າຮ່ວມຂອງຜູ້ແທນມາຈາກ 10 ປະເທດສະມາຊິກ. ທ່ານ ຟ້າມງອກຖຸຍ, ຫົວໜ້າພະແນວັດທະນະທຳ, ກິລາ ແລະ ທ່ອງທ່ຽວແຂວງ ກວາງນິງ ໄດ້ແບ່ງປັນວ່າ, ເຫດການນີ້ ອີກຄັ້ງໜຶ່ງ ໄດ້ຢັ້ງຢືນທີ່ຕັ້ງບົດບາດຂອງ ກວາງນິງ ເຊິ່ງເປັນບ່ອນຈັດກອງປະຊຸມໃຫຍ່ລະດັບພາກພື້ນ ແລະ ໂລກ.

        “ພວກຂ້າພະເຈົ້າພວມປຶກສາຫາລືກັບແຂວງສະມາຊິກວ່າ ຈະຍົກລະດັບເວທີປາໄສການທ່ອງທ່ຽວ ໃຫ້ກາຍເປັນສະຫະພັນ ແລະ ຈະເຮັດໃຫ້ກິດຈະກຳຮ່ວມມືຕ່າງໆແທດຈິງກວ່າເກົ່າ, ກາຍເປັນການກະທຳລະອຽດ ເພື່ອໂຄສະນາ ແລະ ປະກອບສ່ວນນຳການທ່ອງທ່ຽວ ຫວຽດນາມ ອອກສູ່ການທ່ອງທ່ຽວໂລກ. ພວກຂ້າພະເຈົ້າ ຫວັງວ່າ ເຫດການນີ້ ຈະສ້າງສິ່ງໂດດເດັ່ນ ແລະ ສ້າງກຳລັງການໂຄສະນາສະຖານທີ່ທ່ອງທ່ຽວຂອງ ກວາງນິງ ຢ່າງແຮງກວ່າອີກ ເພື່ອນຳມາເຊິ່ງທີ່ຕັ້ງບົດບາດໃໝ່ໃຫ້ແກ່ການທ່ອງທ່ຽວ ຫວຽດນາມ ໃນພາກພື້ນ”.

        ເນື່ອງໃນໂອກາດນີ້ ຈະດຳເນີນຫຼາຍກິດຈະກຳເຄື່ອນໄຫວຄື ກອງປະຊຸມຫົວເລື່ອງສະເພາະ, ວາລະປະຊຸມຄະນະປະຈຳ EATOF; ກອງປະຊຸມສອງຝ່າຍ, ສຶກສາຫາຂໍ້ມູນ, ແນະນຳ, ໂຄສະນາການທ່ອງທ່ຽວ… ແລະ ພົ້ນເດັ່ນແມ່ນ ພິທີລົງນາມຖະແຫຼງການຮ່ວມ ສະມັດຊາໃຫຍ່ EATOF ຄັ້ງທີ 17, ຍົກອອກຂໍ້ສະເໜີແນະກ່ຽວກັບການຍົກສູງປະສິດທິຜົນການຮ່ວມມືໃນຂະແໜງທ່ອງທ່ຽວລະຫວ່າງບັນດາແຂວງສະມາຊິກຂອງ EATOF ໃນສັງກາດປົກກະຕິໃໝ່.