(VOVWORLD) -ວັນທີ 04 ຕຸລາ, ຢູ່ຮ່າໂນ້ຍ, ຄະນະຜູ້ແທນສະໂມສອນບັນດານັກຂ່າວກຳປູເຈຍ (CCJ) ໂດຍທ່ານ Puy Kea, ເລຂາທິການໃຫຍ່ສະໂມສອນເປັນຫົວໜ້າຄະນະ, ໄດ້ມາຢ້ຽມຢາມ ແລະ ເຮັດວຽກກັບສະມາຄົມນັກຂ່າວຫວຽດນາມ.
|
 ທ່ານຮອງປະທານຜູ້ປະຈຳການສະມາຄົມນັກຂ່າວຫວຽດນາມ ໂຮ່ກວາງເລີ້ຍ
(ພາບ: TTXVN)
|
ທ່ານຮອງປະທານຜູ້ປະຈຳການສະມາຄົມນັກຂ່າວຫວຽດນາມ ໂຮ່ກວາງເລີ້ຍ ໄດ້ແນະນຳກັບຄະນະຜູ້ແທນສະໂມສອນບັນດານັກຂ່າວກຳປູເຈຍ ກ່ຽວກັບໂຄງປະກອບ, ຂອບຂະບວນ ແລະ ບົດບາດ, ທີ່ຕັ້ງ ກໍ່ຄືການພັດທະນາຂອງສະມາຄົມນັກຂ່າວຫວຽດນາມ ໃນໄລຍະຜ່ານມາ; ແນະນຳໂດຍສັງເຂບກ່ຽວກັບການເຄື່ອນໄຫວຂອງສະມາຄົມທີ່ໄດ້ຈັດຕັ້ງປະຈຳປີຄື: ງານບຸນໜັງສືພິມທົ່ວປະເທດ, ລາງວັນສື່ມວນຊົນແຫ່ງຊາດ, ຈັດຕັ້ງບັນດາຊຸດຮຽນ, ກອງປະຊຸມ, ກອງປະຊຸມສຳມະນາຝຶກອົບຮົມຍົກສູງທັກສະດ້ານວິຊາການດ້ານສື່ມວນຊົນເປັນປະຈຳ, ພິເສດແມ່ນເອົາໃຈໃສ່ຍົກສູງຄຸນສົມບັດຈັນຍາບັນໃຫ້ສະມາຊິກ - ນັກຂ່າວ…
ເນື່ອງໃນໂອກາດນີ້, ສະມາຄົມນັກຂ່າວຫວຽດນາມ ແລະ ສະໂມສອນບັນດານັກຂ່າວກຳປູເຈຍ ໄດ້ລົງນາມໃນບົດບັນທຶກຊ່ວຍຈຳກ່ຽວກັບການຮ່ວມມື. ຕາມນັ້ນແລ້ວ, 2 ຝ່າຍຈະຮ່ວມມືຢ່າງແໜ້ນແຟ້ນໃນເລື່ອງຕັ້ງໜ້າຊຸກຍູ້ການສື່ຂ່າວກ່ຽວກັບການພັດທະນາເສດຖະກິດ, ການເມືອງ, ວັດທະນະທຳ, ສັງຄົມ, ທ່ອງທ່ຽວ. 2 ຝ່າຍຈະສົມທົບກັນສ້າງເງື່ອນໄຂສະດວກໃຫ້ແກ່ບັນດານັກຂ່າວ - ສະມາຊິກຂອງ 2 ຝ່າຍທີ່ປະຈຳຢູ່ແຕ່ລະປະເທດ, ກໍ່ຄືບັນດານັກຂ່າວຂອງ 2 ປະເທດເຂົ້າຮ່ວມບັນດາການເຄື່ອນໄຫວສື່ມວນຊົນທີ່ດຳເນີນຢູ່ 2 ປະເທດຫວຽດນາມ - ກຳປູເຈຍ.