ສະມາຄົມນັກຮົບເກົ່າ ຫວຽດນາມ ຢູ່ ສະຫະພັນ ລັດເຊຍ ສະເຫຼີມສະຫຼອງວັນປົດປ່ອຍພາກໃຕ້ ແລະ ວັນກຳມະກອນສາກົນ
(VOVWORLD) -ຕອນຄ່ຳວັນທີ 30 ເມສາ, ສະມາຄົມນັກຮົບເກົ່າ ຫວຽດນາມ ປະຈຳ ສະຫະພັນ ລັດເຊຍ ໄດ້ຈັດຕັ້ງພິທີສະເຫຼີມສະຫຼອງວັນປົດປ່ອຍພາກໃຕ້ ທ້ອນໂຮມປະເທດຊາດເປັນເອກະພາບຄົບຮອບ 47 ປີ (30/04/1975-30/04/2022) ແລະ ວັນກຳມະກອນສາກົນ.
 ນັກຮົບເກົ່າ ແລະ ຜູ້ແທນເຂົ້າຮ່ວມພິທີ (ພາບ: TTXVN) |
ເຫດການດັ່ງກ່າວ ມີການເຂົ້າຮ່ວມຂອງນັກຮົບເກົ່າ ຫວຽດນາມຢູ່ນະຄອນຫຼວງ ມົດສະກູ ເປັນຈຳນວນຫຼາຍ. ກ່າວຄຳເຫັນທີ່ພິທີ, ທ່ານເອກອັກຄະລັດຖະທູດ ຜູ້ມີອຳນາດເຕັມແຫ່ງ ສະຫະພັນ ລັດເຊຍ ດັ້ງມິງຄອຍ ໄດ້ເນັ້ນໜັກເຖິງຄຸນງາມຄວາມດີຂອງຊາວ ຫວຽດນາມ ລຸ້ນກ່ອນື້, ຂອງນັກຮົບເສຍສະຫຼະຊີວິດເພື່ອຊາດ ແລະ ຖືວ່າ ຕ້ອງ “ຕັກເຕືອນ, ສຶກສາໃຫ້ຄົນລຸ້ນຫຼັງຕ້ອງປົກປັກຮັກສາອະທິປະໄຕຂອງປະເທດຊາດ ຫວຽດນາມໄວ້”.
ທີ່ພິທີ, ສະມາຄົມນັກຮົບເກົ່າ ຫວຽດນາມ ໄດ້ຕອບສະໜອງຄຳຮຽກຮ້ອງ ເຫຼົ່າທັບທະຫານເຮືອ ຫວຽດນາມ, ຄະນະກຳມະການແຫ່ງລັດ ກ່ຽວກັບຊາວ ຫວຽດນາມ ອາໄສ ຢູ່ຕ່າງປະເທດ, ຄະນະປະຕິບັດວຽກງານວົງຄະນະຍາດ ສະຖານທູດ ຫວຽດນາມ ປະຈຳ ລັດເຊຍ ແລະ ສະມາຄົມຊາວ ຫວຽດນາມ ອາໄສຢູ່ ສະຫະພັນ ລັດເຊຍ, ຈັດຕັ້ງການແຜ່ບໍລິຈາກເງິນເພື່ອຊື້ເຮືອຈັກຢັ້ງຢືນອະທິປະໄຕທີ່ມີມູນຄ່າ 3,5 ຕື້ດົ່ງ ເພື່ອມອບໃຫ້ກອງທັບ ແລະ ປະຊາຊົນຢູ່ເມືອງເກາະ ເຈື່ອງຊາ.