(vovworld) – ວັນ​ທີ 29/08, ຢູ່​ນະຄອນ ວຽດຈີ, ​ແຂວງ ຟຸ໋ທໍ້, ສະມາຄົມ​ມິດຕະພາບ ຫວຽດນາມ - ຮຸງ​ກາຣີ ​ໄດ້​ຈັດ​ພິທີ​ຕ້ອນຮັບ​ຫຼຽນ​ໄຊ​ແຮງ​ງານ​ຊັ້ນ ​3 ​ແລະ ສະ​ເຫຼີມສະຫຼອງ 65 ປີ​ແຫ່ງ​ວັນ​ສ້າງ​ຕັ້ງ​ການ​ພົວພັນ​ທາງ​ການ​ທູດ​ລະຫວ່າງ​ຫວຽດນາມ - ຮຸງກາ​ຣີ, 70 ປີ​ແຫ່ງ​ວັນຊາດ​ຫວຽດນາມ ​ແລະ 1015 ປີ​ແຫ່ງ​ວັນຊາດ​ຮຸງ​ກາຣີ. ກ່າ​ວຄຳ​ເຫັນ​ທີ​ງານ​ພົບ​ປະ​, ​​​ຕາງ​ໜ້າ​ໃຫ້ການ​ນຳ​ສະ​ມາຄົມ​ມິດຕະພາບ​ຫວຽດນາມ - ຮຸງ​ກາ​ຣີ, ທ່ານ​ຮອງ​ປະທານ ຟ້າ​ມວຽດ ​ເນັ້ນ​ໜັກ​ວ່າ, ​ໃນ​ຕະຫຼອດ 25 ປີ​ແຫ່ງ​ວັນ​ສ້າງ​ຕັ້ງ ​ແລະ ພັດທະນາ, ສະມາ​ຄົມ​ຫວຽດນາມ - ຮຸງ​ກາ​ຣີ ​ໄດ້​ສ້າງ ​ແລະ ຜັນ​ຂະຫຍາຍ​ການ​ເຄື່ອນ​ໄຫວ​ຕ່າງໆ ​ປະກອບສ່ວນ​ຊ່ວຍ​ໃຫ​​້ປະຊາຊົນ 2 ປະ​ເທດ​ມີ​ຄວາມ​ເຂົ້າ​ໃຈ​ດ່ຽວ​ກັບ​ວັດ​ທະນະ​ທຳ, ​ເສດຖະກິດ, ສັງຄົມ​ຂອງ​ແຕ່ລະ​ປະ​ເທດ, ກໍ​ຄື​ບັນດາ​ຜົນງານ​ໃນ​ກິດຈະກຳ​ປ່ຽນ​ໃໝ່ຂອງ​ປະຊາຊົນ​ຫວຽດນາມ ​ໃນ​ປະຈຸ​ບັນຢ່າງ​ເລິກ​ເຊິ​ງ​ກວ່າ, ປະກອບສ່ວນ​ຊຸກ​ຍູ້​ການ​ພົວພັນ​ຫຼາຍ​ດ້ານ​ລະຫວ່າງ 2 ປະ​ເທດ. ທ່ານ​ອຸປະ​ທຸດຊົ່ວຄາວ, ສະຖານທູດ​ຮຸງ​ກາຣີ ປະຈຳ​ຫວຽດນາມ Karolyi Marton ສະ​ແດງ​ຄວາມ​ປາດ​ຖະໜາ​ວ່າ, ​ໃນ​ໄລຍະ​ຈະ​ມາ​ເຖິງ, ສະຫະພັນ​ບັນດາ​ອົງການ​ມິດຕະພາບ​ຫວຽດນາມ, ສະມ​າຄົມ​ມິດຕະພາບ​ຫວຽດນາມ - ຮຸງ​ກາຣີ ສືບ​ຕໍ່​ສົມທົບ​ກັບ​ສະຖານທູດ​ຮຸງ​ກາ​ຣີ ປະຈຳ​ຫວຽດນາມ ຈັດ​ຕັ້ງ​ບັນດາ​ການ​ເຄື່ອນ​ໄຫວ​ແທດ​ຈິງຫຼາຍ​ຢ່າງ​ກວ່າ​ອີກ, ປະກອບສ່ວນ​ເຮັດ​ໃຫ​​້ການ​ພົວພັນ​ອັນ​ດີງາມ​ລະຫວ່າງ 2 ປະ​ເທດ​ເລີກ​ເຊິ່ງກ່ວາ​ອີກ​.