(ພາບປະກອບ: AFP/TTXVN)

ໃນບົດກ່າວປາໃສເມື່ອວັນທີ 11 ພຶດສະພາ, ກະຊວງການຕ່າງປະເທດ ສະວິດ ຢືນຢັນວ່າ, ກອງປະຊຸມສັນຕິພາບກ່ຽວກັບ ຢູແກຼນ ແລະ ໜູນຊ່ວຍ ກີແອັບ ບໍ່ສົ່ງຜົນສະທ້ອນເຖິງລັກສະນະເປັນກາງຂອງ ສະວິດ. ຜູ້ຕາງໜ້າທາງກະຊວງໄດ້ເນັ້ນໜັກເຖິງຫຼັກໝັ້ນເປັນກາງຂອງ ສະວິດ ແມ່ນຍືດໝັ້ນ ແລະ ກອງປະຊຸມສັນຕິພາບໄດ້ຈັດຂຶ້ນຕາມການສະເໜີຂອງ ກີແອັບ ຈະບໍ່ສົ່ງຜົນສະທ້ອນເຖິງບົດບາດເປັນກາງຂອງ ສະວິດ.

ຕາມແຜນການແລ້ວ, ສະວິດ ຈະຈັດກອງປະຊຸມສັນຕິພາບກ່ຽວກັບ ຢູແກຼນ ໃນວັນທີ 15 – 16 ມິຖຸນາ ຈະມາເຖິງ, ຢູ່ເຂດພາກກາງຂອງ ສະວິດ. ມີປະມານ 160 ປະເທດຖືກເຊີນເຂົ້າຮ່ວມ, ໃນນັ້ນ ມີບັນດາປະເທດຂຶ້ນກັບກຸ່ມບັນດາປະເທດອຸດສາຫະກຳພັດທະນາ (G7), ກຸ່ມບັນດາພື້ນຖານເສດຖະກິດພັດທະນາ ແລະ ຫາກໍ່ພົ້ນເດັ່ນແຖວໜ້າໂລກ (G20) ແລະ ອົງການຈັດຕັ້ງສາກົນຈຳນວນໜຶ່ງ. ສະວິດ ໄດ້ຮຽກຮ້ອງໃຫ້ບັນດາຝ່າຍເຂົ້າຮ່ວມກອງປະຊຸມ ປະກອບແນວຄວາມຄິດ ແລະ ວິໄສທັດ ເພື່ອພື້ນຖານສັນຕິພາບ, ມີຄວາມຍຸຕິທຳ ແລະ ຍາວນານຢູ່ ຢູແກຼນ.