ທ່ານຫົວໜ້າຄະນະເສດຖະກິດສູນກາງ ຫວຽດນາມ ເຈິ່ນຕວນແອັງ ກ່າວຄຳເຫັນທີ່ພິທີ (ພາບ: VGP)

ຕອນບ່າຍວັນທີ 14 ເມສາ, ຢູ່ຮ່າໂນ້ຍ, ຄະນະຊີ້ນຳສູນກາງໄດ້ດຳເນີນພິທີສະຫຼຸບ 10 ປີແຫ່ງການປະຕິບັດຄຳສັ່ງຂອງຄະນະເລຂາຊຸດທີ XI “ກ່ຽວກັບການເພີ່ມທະວີການນຳພາຂອງພັກ ຕໍ່ວຽກງານນຳຜູ້ອອກແຮງງານ ແລະ ນັກຊ່ຽວຊານ ຫວຽດນາມ ໄປເຮັດວຽກຢູ່ຕ່າງປະເທດ”.

        ກ່າວຄຳເຫັນທີ່ພິທີໄຂ, ທ່ານຫົວໜ້າຄະນະເສດຖະກິດສູນກາງ ຫວຽດນາມ ເຈິ່ນຕວນແອັງ ເນັ້ນໜັກວ່າ, ຄຳສັ່ງທີ່ປະກາດໃຊ້ໄດ້ເນັ້ນໜັກເຖິງເປົ້າໝາຍກວມລວມ. ນັ້ນແມ່ນ: ໃນທ່າອ່ຽງຫັນເປັນໂລກາພິວັດ ແລະ ເຊື່ອມໂຍງເຂົ້າກັບສາກົນຢ່າງເລິກເຊິ່ງ, ກວ້າງຂວາງນັ້ນ, ຄວາມຕ້ອງການຮັບແຮງງານຂອງບັນດາປະເທດແມ່ນຫຼາຍທີ່ສຸດ, ແມ່ນກາລະໂອກາດເພື່ອຍູ້ແຮງ, ຍົກສູງປະສິດທິຜົນເລື່ອງນຳເອົາແຮງງານ ແລະ ນັກຊ່ຽວຊານ ຫວຽດນາມ ໄປເຮັດວຽກຢູ່ຕ່າງປະເທດ ເພື່ອແນໃສ່ແກ້ໄຂບັນຫາວຽກເຮັດງານທຳ, ສ້າງລາຍຮັບ, ຍົກສູງແຫຼ່ງຊັບພະຍາກອນມະນຸດ, ປະກອບສ່ວນພັດທະນາເສດຖະກິດ - ສັງຄົມ ຂອງປະເທດຊາດ ແລະ ປະຕິບັດການຫັນປະເທດຊາດເປັນປະເທດອຸດສາຫະກຳ, ທັນສະໄໝ ແລະ ເຊື່ອມໂຍງເຂົ້າກັບສາກົນ.

        ທ່ານ ເຈິ່ນຕວນແອັງ ສະເໜີໃຫ້ບັນດາຜູ້ແທນສຸມໃສ່ປຶກສາຫາລື, ປະກອບຄຳເຫັນໃສ່ຮ່າງມະຕິທີ່ກ່ຽວຂ້ອງ; ສຸມໃສ່ບັນດາໜ້າທີ່, ມາດຕະການແກ້ໄຂຕາມຄຳສັ່ງ ຕິດພັນກັບໜ້າທີ່ຄວາມຮັບຜິດຊອບຂອງຄະນະພັກທຸກຂັ້ນ, ລະບົບການເມືອງ, ໝູ່ອົງການຈັດຕັ້ງມະຫາຊົນ, ການເມືອງ - ສັງຄົມ ໃນການຈັດຕັ້ງປະຕິບັດຄຳສັ່ງ.