ພາບປະກອບ
|
(vovworld) – ຕອນເຊົ້າວັນທີ 13/1, ກະຊວງສຶກສາ ແລະ ກໍ່ສ້າງໄດ້ຈັດຕັ້ງກອງປະຊຸມໂດຍກົງຜ່ານເຄືອຂ່າຍອິນເຕີເນັດສະຫລຸບ 3 ປີແຫ່ງການປະຕິບັດແຜນຮ່າງ “ກໍ່ສ້າງສັງຄົມແຫ່ງການຮຳ່ຮຽນໄລຍະ 2012 - 2020”. ບົດລາຍງານໝາກຜົນແຫ່ງການປະຕິບັດໃນໄລຍະແຕ່ປີ 2013 ຮອດປີ 2015 ສະແດງໃຫ້ເຫັນຄວາມຮັບຮູ້ຂອງພະນັກງານ, ປະຊາຊົນກ່ຽວກັບຜົນປະໂຫຍດຂອງການຮຳ່ຮຽນຕະຫຼອດຊີວິດ, ກໍ່ສ້າງສັງຄົມແຫ່ງການຮຳ່ຮຽນໄດ້ຫັນປ່ຽນຢ່າງຕັ້ງໜ້າ. 4 ໝວດຈຸດໝາຍຂອງແຜນຮ່າງບັນລຸໄດ້ບັນດາໝາກຜົນໃນເບື້ອງຕົ້ນ, ໃນນັ້ນຈຸດໝາຍລົບລ້າງໄພກືກໜັງສື, ປະຕິບັດສຳເລັດການສຶກສາ ແລະ ການຮຳ່ຮຽນຍົກສູງລະດັບຄວາມຮູ້ດ້ານຄອມພິວເຕີ, ພາສາຕ່າງປະເທດແມ່ນບັນລຸຜົນງານສູງກ່ວາແຜນການທີ່ໄດ້ວາງອອກວາງອອກ. ອັດຕາຜູ້ຮູ້ໜັງສືໃນເກັນອາຍຸແຕ່ 15 – 35 ປີຂອງທົ່ວປະເທດແມ່ນກ່ວາ 98%. ໄລ່ຮອດທ້າຍປີ 2015, ມີ 63 ແຂວງ, ນະຄອນບັນລຸມາດຕະຖານສຳເລັດການການສຶກສາຊັ້ນປະຖົມພາກບັງຄັບຖືກຕາມເກັ່ນອາຍຸ ແລະ ບັນລຸມາດຖານສຳເລັດການສຶກສາຊັ້ນມັດຖະຍົມຕອນຕົ້ນພາກບັງຄັບ.
ໃນໄລຍະແຕ່ນີ້ຮອດປີ 2020, ກະຊວງສຶກສາ - ກໍ່ສ້າງສືບຕໍ່ຜັນຂະຫຍາຍການປະຕິບັດ 9 ໝວດໜ້າທີ່ ແລະ ມາດຕະການຢ່າງຄົບຊຸດ, ແກ້ໄຂບັນດາສິ່ງທີ່ຍັງຄົງຄ້າງ, ສິ່ງຈຳກັດເພື່ອບັນລຸຈຸດໝາຍຂອງແຜນຮ່າງ. ໃນນັ້ນ, ກຳນົດບັນດາເນື້ອໃນຮຳ່ຮຽນອຸດົມສົມບູນ, ຫຼາຍຮູບຫຼາຍແບບ, ມີໄຫວພິບ, ຕອບສະໜອງບັນດາການປ່ຽນແປງຂອງປະເທດຊາດຢ່າງທັນການ.