(vovworld) - ເນື່ອງໃນໂອກາດວັນມູນເຊື້ອຂອງຊາວທ້ອງຖິ່ນໃນທົ່ວໂລກ (09 ສິງຫາ), ທ່ານເລຂາທິການໃຫຍ່ສະຫະປະຊາຊາດ Ban Ki Moon ໄດ້ສົ່ງສານຮຽກຮ້ອງໃຫ້ທຸກໆປະເທດສະມາຊິກ ສ້າງເງື່ອນໄຂສະດວກເພື່ອໃຫ້ຊາວທ້ອງຖິ່ນ ມີສິດເຂົ້າຮ່ວມບັນດາຂໍ້ຕົກລົງສຳຄັນທີ່ກ່ຽວຂ້ອງເຖິງຊີວິດທາງດ້ານເສດຖະກິດ, ການເມືອງ ແລະ ສັງຄົມຂອງທ້ອງຖິ່ນ ກໍ່ຄືປະເທດແຫ່ງທີ່ເຂົາເຈົ້າພວມດຳລົງຊີວິດ. ຕາມທ່ານ Ban Ki Moon ແລ້ວ, ບັນດາຊາວທ້ອງຖິ່ນ ຍາມໃດກໍ່ມານະພະຍາຍາມປະກອບສ່ວນພັດທະນາຊີວິດ, ໂດຍສະເພາະແມ່ນເສດຖະກິດ ແລະ ເຂົາເຈົ້າມີຄວາມຕັດສິນໃຈສູງໃນການປົກປັກຮັກສາ, ເສີມຂະຫຍາຍພື້ນຖານວັດທະນະທຳ ກໍ່ຄືຮີດຄອງປະເພນີສະເພາະຂອງປະຊາຄົມຊາວທ້ອງຖິ່ນ. ເພາະສະນັ້ນ, ໜ້າທີ່ຂອງບັນດາປະເທດທີ່ມີຊາວທ້ອງຖິ່ນດຳລົງຊີວິດ ຕ້ອງປະຕິບັດບັນດາມາດຕະການ ແລະ ນະໂຍບາຍຢ່າງລະອຽດ ເພື່ອແກ້ໄຂບັນດາບັນຫາທີ່ກ່ຽວຂ້ອງເຖິງຊີວິດຂອງເຂົາເຈົ້າ, ຊ່ວຍໃຫ້ເຂົາເຈົ້າມີຄວາມສະເໝີພາບກັບປະຊາຊາດອື່ນໆ.