ທ່ານ​ປະທານສະມັດຊາ​ໃຫຍ່ ສປຊ ຊຸດ​ທີ 70 Mogens Lykketoft
(ພາບ: Reuters)

(vovworld) - ວັນ​ທີ 11/1, ສະຫະ​ປະຊາ​ຊາດ (ສປຊ) ສະ​ເຫຼີ​ມສະຫຼອງ 70 ປີ​ແຫ່ງ​ການດຳ​ເນີນ​ກອງ​ປະຊຸມ​ຄັ້ງທຳ​ອິດ​ຂອງ​ສະພາ​ຄວາມ​ໝັ້ນຄົງ ສປຊ ຢູ່​ ລອນ​ດອນ (ລາຊະ​ອານາຈັກ​ອັງກິດ). ກ່າວ​ຄວາມ​ເຫັນ​ໃນ​ພິທີ​ສະ​ເຫຼີ​ມສະຫຼອງ, ​ເຊິ່ງຈັດ​ຕັ້ງ​ຢູ່​ຫໍ​ປະຊຸມ​ໃຈກາງ Wesminster. ທ່ານ​ປະທານສະມັດຊາ​ໃຫຍ່ ສປຊ ຊຸດ​ທີ 70 Mogens Lykketoft ຢືນຢັນ​ວ່າ, ກອງ​ປະຊຸມ​ທຳ​ອິດ​ຂອງ​ສະພາ​ຄວາມ​ໝັ້ນຄົງ ສປຊ ​ເປັນ​ຂີດ​ໝາຍ​ການ​ຕົກລົງ​ຮ່ວມ​ມື​ຂອງ​ປະ​ເທດ​ຕ່າງໆ​ໃນ​ໂລກ, ພາຍຫຼັງ​ຮັບ​ມື​ກັບສົງຄາມ ທຳລາຍ, ​ໂທດ​ກຳ​ດັບ​ສູນ​ເຊື້ອ​ຊາດ ​ແລະ ການ​ຖີ້ມລະ​ເບີດ​ນິວຄະ​ເລຍ. ດ້ວຍ​ 193 ປະ​ເທດສະມາຊິກ. ປະຈຸ​ບັນ, ສະມັດຊາ​ໃຫຍ່​ໄດ້​ກາຍ​ເປັນ​ອົງການ​ຕົວ​ແທນສູງ​ສຸດ, ​ເປັນ​ເວທີ​ເພື່ອ​ໃຫ້​ປະ​ເທດ​ຕ່າງໆ​ແລກປ່ຽນ, ປຶກສາ​ຫາລື​ທັດສະນະ​ສະ​ເພາະ​ຂອງ​ຕົນ. ທ່ານ​ເລຂາ​ການ​ໃຫຍ່ ສປຊ Banki-moon ຢືນຢັນ​ວ່າ​ສະມັດຊາ​ໃຫຍ່​ໄດ້​ກາຍ​ເປັນ “ສະພາ​ແຫ່ງ​ຊາດ​ໃຫ້​ທຸກ​ຄົນ“.​​ເນື່ອງ​ໃນ​ໂອກາດ​ນີ້, ທ່ານ​ກໍ່​ຮຽກຮ້ອງ​ສະມັດຊາ​ໃຫຍ່ ສປຊ ມານະ​ພະຍາຍາມ​ກວ່າ​ອີກ ​ເພື່ອ​ຊ່ວຍ​ເຫຼືອ​ຜູ້​ປະສົບ​ຄວາມ​ຫຍຸ້ງຍາກ, ຊຸກຍູ້​ຄວາມ​ກ້າວໜ້າ ​ແລະ ສິດທິ​ມະນຸດ​ໃນ​ທົ່ວ​ໂລກ.