ສະຫະພັນ ອາຣັບ ໄດ້ຍົກອອກຂໍ້ລິເລີ່ມໃໝ່ ເພື່ອໃຫ້ສະພາບການຢູ່ Xiry ມີສະຖຽນລະພາບ
ທ່ານເລຂາທິການໃຫຍ່ສະຫະພັນ ອາຣັບ Nabil Al-Arabi
(vovworld) - ໃນການໂອ້ລົມທາງໂທລະສັບເມື່ອວັນທີ 9/2, ທ່ານເລຂາທິການໃຫຍ່ ສະຫະພັນ ອາຣັບ Nabil Al-Arabi ໄດ້ສະເໜີຕໍ່ທ່ານເລຂາທິການໃຫຍ່ສະຫະປະຊາຊາດ Ban Ki Mun ໃຫ້ການຊ່ວຍເຫຼືອໃນການສ້າງຕັ້ງຄະນະຜູ້ສັງເກດການປະສົມສະຫະປະຊາຊາດ, ສະຫະພັນອາຣັບ ໄປ Xiry ໃນສະພາບວິກິດການການເມືອງຢູ່ປະເທດນີ້ພວມມີທ່າອ່ຽງຊົ່ວຮ້າຍລົງ. ທ່ານເລຂາທິການໃຫຍ່ Ban Ki Mun ຢືນຢັນວ່າ: ສະຫະປະຊາຊາດພ້ອມແລ້ວທີ່ຈະໜູນຊ່ວຍດ້ວຍທຸກໆມາດຕະການເພື່ອຮັກສາສະຖຽນລະພາບ ແລະ ໃນຊຸມວັນຕໍ່ໄປ, ສະຫະປະຊາຊາດຈະມີການທາບທາມກັບ ສະພາຄວາມໝັ້ນຄົງສະຫະປະຊາຊາດ ກ່ອນທີ່ວາງແຜນການລະອຽດ.
ພ້ອມກັນນັ້ນ, ລັດເຊຍໄດ້ກຽມພ້ອມໜູນຊ່ວຍ ເພື່ອຢຸດຕິວິກິດການຢູ່ Xiry ໂດຍອີ່ງໃສ່ຂໍ້ລິເລີ່ມຂອງສະຫະພັນ ອາຣັບ. ລັດເຊຍຮຽກຮ້ອງບັນດາກຳລັງຝ່າຍຄ້ານຢູ່ Xyri ເຂົ້າຮ່ວມການໂອ້ລົມສົນທະນາ, ຖືວ່ານີ້ແມ່ນມາດຕະການເພື່ອແກ້ໄຂວິກິດການຢູ່ Xyri. ມົດສະກູຖະແຫຼງວ່າຈະສືບຕໍ່ເປັນຜູ້ໄກ່ເກ່ຍໃນວິກິດການຢູ່ Xyri ແຕ່ກໍ່ໄດ້ກ່າວເຕືອນວ່າສະພາບນອງເລືອດຢູ່ປະເທດນີ້ ແມ່ນ ”ບໍ່ສາມາດຮັບຮູ້ໄດ້”.