ສະຫະພັນບັນດານັກຂ່າວອາຊຽນ:ຈີນຄວນເຄົາລົບກົດໝາຍສາກົນ
.jpg)
ກຳປັ່ນຂອງ ຈີນ ກີດຂວາງ ກຳປັ່ນຕຳຫຼວດທະເລ ຫວຽດນາມ ປະຕິບັດໜ້າທີ່ບົນທະເລ
(ພາບ: Quang Vũ - TTXVN)
(vovworld) – ສະຫະພັນບັນດານັກຂ່າວ ອາຊຽນ (CAJ) ຫາກໍ່ອອກຖະແຫຼງການສະແດງຄວາມວິຕົກວັງວົນຕໍ່ບັນດາການກະທຳເກາະພິດຂອງ ຈີນ ຢູ່ທະເລຕາເວັນອອກ. ຖະແຫຼງການຊີ້ແຈ້ງວ່າ: “ບັນດາການເຄື່ອນໄຫວເກາະພິດຢ່າງຕໍ່ເນື່ອງຂອງ ຈີນ ຢູ່ທະເລຕາເວັນອອກ ແລະ ທະເລ ຮວາຕູງ ໄດ້ກາຍເປັນຄວາມວິຕົກວັງວົນຢ່າງໜັກໜ່ວງສຳລັບປະຊາຊົນຜູ້ນຮັກຫອມສັນຕິພາບທັງໝົດໃນທົ່ວໂລກ, ພິເສດແມ່ນປະຊາຊົນຢູ່ອາຊີຕາເວັນອອກສ່ຽງໃຕ້. ພິເສດ, ການກະທຳຕ່າງໆຂອງ ຈີນ ໄດ້ສົ່ງຜົນສະທ້ອນຢ່າງໜັກໜ່ວງເຖິງການພົວພັນກັບ 2 ປະເທດສະມາຊິກຂອງ CAJ ແມ່ນ ຟິລິບປິນ ແລະ ຫວຽດນາມ”. ຖະແຫຼງການຂອງ CAJ ຢືນຢັນບັນດາການກະທຳຂອງ ຈີນ ແມ່ນ “ຄຳນາບຂູ່” ຍ້ອນປະເທດນີ້ພວມນຳໃຊ້ກຳລັງແຮງທາງດ້ານເສດຖະກິດ ແລະ ການທະຫານເພື່ອຕ້ານຄືນບັນດາປະເທດບ້ານໃກ້ເຮືອນຄຽງທີ່ອ່ອນ ແລະ ນ້ອຍກ່ວາເພື່ອແນໃສ່ຊຸກຍູ້ຄຳຮຽກສິດອະທິປະໄຕ... ຖະແຫຼງການຮຽກຮ້ອງໃຫ້ ຈີນ, ດ້ວຍຖານະເປັນປະເທດສະມາຊິກອັນດັບໜຶ່ງຂອງ ສປຊ, ຄວນສະແດງບົດບາດນຳໜ້າດ້ວຍເລື່ອງເຄົາລົບຜືນແຜ່ນດິນອັນຄົບຖ້ວນຂອງປະເທດບ້ານໃກ້ເຮືອນຄຽງ, ເຄົາລົບບັນດາຂໍ້ກຳນົດກົດໝາຍສາກົນ ແລະ ຮັບຮູ້ຄວາມສຳຄັນຂອງກົນໄກກຳມະການສາກົນໃນການແກ້ໄຂບັນດາການພິດພາດກັນ.
ຖະແຫຼງການຮຽກຮ້ອງໃຫ້ບັນດານັກຂ່າວໃນພາກພື້ນ ແລະ ໃນໂລກປະກອບສ່ວນເຂົ້າໃນການສຶກສາ ແລະ ໂຄສະນາໃຫ້ມະຫາຊົນກ່ຽວກັບຄວາມສຳຄັນຂອງການເຄົາລົບເຊິ່ງກັນ ແລະ ກັນ, ກໍ່ຄືມານະພະຍາຍາມຮຽກຮ້ອງ ຈີນ ກັບຄືນສູ່ໂຕາະເຈລະຈາ ແລະ ຕັກເຕືອນ ຈີນ ວ່າ: ນະໂຍບາຍທີ່ປະເທດນີ້ພວມປະຕິບັດຈະເຮັດໃຫ້ປະເທດນີ້ຖືກຕົກຢູ່ໂດດດ່ຽວໃນປະຊາຄົມໂລກ.