(VOVWORLD) - ພາຍຫລັງແຈກເຂົ້າສານ 16 ໂຕນໝົດແລ້ວ, ສະຫະສະມາຄົມບັນດາອົງການມິດຕະພາບນະຄອນໂຮ່ຈີມິນ ຈະສົບທົບກັບ PVF ແລະ ບັນດາຜູ້ໃຈບຸນໃຈກຸສົນອື່ນໆ ຈະສືບຕໍ່ບໍລິຈາກເຂົ້າສານຕື່ມອີກ ເພື່ອຕອບສະໜອງຄວາມຕ້ອງການຂອງພໍ່ແມ່ປະຊາຊົນທີ່ທຸກຍາກ
 (ພາບປະກອບ/TTXVN) |
ຕອນເຊົ້າວັນທີ 08 ພຶດສະພາ, ສະຫະສະມາຄົມບັນດາອົງການມິດຕະພາບນະຄອນໂຮ່ຈີມິນ (HUFO) ໄດ້ຈັດຕັ້ງພິທີມອບ-ຮັບຕູ້ ATM ແຈກເຂົ້າສານ ແລະ ເຂົ້າສານ 16 ໂຕນ ໂດຍອົງການບໍ່ຂຶ້ນກັບລັດຖະບານ ອາເມລິກາ Project Vietnam Foundation (PVF) ອຸປະຖຳ, ເພື່ອຊ່ວຍເຫຼືອປະຊາຊົນທຸກຍາກທີ່ປະສົບກັບຄວາມຫຍຸ້ງຍາກຍ້ອນໂລກລະບາດໂຄວິດ-19 ໃນບໍລິເວນເມືອງ ບີງເຕິນ, ນະຄອນໂຮ່ຈີມິນ.
ຕູ້ ATM ແຈກເຂົ້າສານໄດ້ຕັ້ງຢູ່ຄຸ້ມຖະໜົນທີ 3, ຕາແສງ ບີງຮືງຮ່ວາ, ເມືອງ ບີງເຕິນ ແມ່ນໜຶ່ງໃນບັນດາເຂດທີ່ມີຊາວຜູ້ອອກແຮງານຕ່າງແຂວງມາທຳມາຫາກິນ, ດຳລົງຊີວິດເປັນຈຳນວນຫລວງຫລາຍ. ຄາດວ່າ ພາຍຫລັງແຈກເຂົ້າສານ 16 ໂຕນໝົດແລ້ວ, ສະຫະສະມາຄົມບັນດາອົງການມິດຕະພາບນະຄອນໂຮ່ຈີມິນ ຈະສົບທົບກັບ PVF ແລະ ບັນດາຜູ້ໃຈບຸນໃຈກຸສົນອື່ນໆ ຈະສືບຕໍ່ບໍລິຈາກເຂົ້າສານຕື່ມອີກ ເພື່ອຕອບສະໜອງຄວາມຕ້ອງການຂອງພໍ່ແມ່ປະຊາຊົນທີ່ທຸກຍາກຢູ່ເຂດນີ້.