(vovworld) – ກ່າວ​ຄຳ​ເຫັນ​ທີ່​ພິທີສະ​ເຫຼີ​ມສະຫຼອງ 25 ປີ​ແຫ່ງ​ການ​ສ້າງ​ຕັ້ງ​ໂຮງໝໍ​ຫົວ​ໃຈ - ​ເສັ້ນ​ເລືອດ ​ໃນຕອນ​ເຊົ້າ 11/11, ທ່ານຮອງ​ນາຍົກລັດຖະມົນຕີ ວູດຶກ​ດາມ ຕີ​ລາຄາ​ສູງ​ບັນດາ​ຜົນງານ​​ເຊິ່ງໂຮງໝໍ​ຫົວ​ໃຈ - ​ເສັ້ນ​ເລືອດ ຫວຽດນາມ ​ຍາດ​ມາ​ໄດ້​ແມ່ນ​ເທົ່າ​ທຽມ​ກັບ​ພາກ​ພື້ນ ​ແລະ ຫຼາຍ​ປະ​ເທດ​ໃນ​ໂລກ, ​ໂຮງໝໍ​ໄດ້​ສືບ​ທອດ​ມູນ​ເຊື້ອ​ກວ່າ 100 ປີ ຂອງ​ໂຮງໝໍ​ແບັກ​ມາຍ ​ແລະ ປະກອບສ່ວນ​ສຳຄັນ​ເຂົ້າ​ໃນ​ພາລະກິດ​ສົ່ງ​​ເສີມ ​ແລະ ຮັກສາ​ສຸຂະພາບ​ຂອງ​ປະຊາຊົນ. ທ່ານຮອງ​ນາຍົກລັດຖະມົນຕີ ວູດຶກ​ດາມ ​ເນັ້ນ​ໜັກ​ວ່າ :

        “ໂຮງໝໍ​ຫົວ​ໃຈ - ​ເສັ້ນ​ເລືອດຫວຽດນາມ ​ແລ​ະ ບັນດາ​ອົງການ​ກ່ຽວຂ້ອງອື່ນໆ ຕ້ອງ​ຍູ້​ແຮງບັນດາ​ລາຍການ​ປ້ອງ​ກັນພະຍາດຫົວ​ໃຈ - ເສັ້ນ​ເລືອດ ຢູ່​ປະຊາ​ຄົມ​ກວ່າ​ອີກ, ​ເພື່ອ​ຫຼຸດຜ່ອນ​ຜູ້​ຖືກ​ຕິດພະຍາດຫົວ​ໃຈ - ​ເສັ້ນ​ເລືອດ ​ໃນ​ປະຊາ​ຄົມ. ຄຽງ​ຂ້າງ​ນັ້ນ, ຕ້ອງ​ຍູ້​ແຮງ​ການ​ນຳ​ໃຊ້​ບັນດາ​ຄວາມ​ກ້າວ​ໜ້າ​ດ້ານ​ວິທະຍາສາດໃນ​ການ​ປິ່ນປົວພະຍາດ, ນຳ​ໃຊ້​ເຕັກ​ໂນ​ໂລ​ຊີ​ຂໍ້​ມູນ​ຂ່າວສານ​ເພື່ອ​​ໃຫ້​ບັນດາ​ໂຮງໝໍ​ທ້ອງ​ຖິ່ນ ສາມາດ​ບົ່ງມະຕິ​ພະຍາດ ​ແລະ ປິ່ນປົວພະຍາດ ​ດ​້ວຍບັນດາ​ທ່ານໝໍ​ເກັ່ງ”.