(vovworld) - ຕອນເຊົ້າວັນທີ 10 ກັນຍາ, ຢູ່ນະຄອນໂຮ່ຈິມິນ, ຄະນະກຳມະການປະຊາຊົນນະຄອນ ໄດ້ຈັດພິທີສະເຫຼີມສະຫຼອງ 40 ປີແຫ່ງວັນສ້າງຕັ້ງສາຍພົວພັນທາງການທູດລະຫວ່າງຫວຽດນາມ - ລາຊະອານາຈັກອັງກິດ (11 ກັນຍາ 1973 – 11 ກັນຍາ 2013) ຢ່າງສົມກຽດ. ກ່າວຄຳເຫັນທີ່ພິທີ, ທ່ານປະທານຄະນະກຳມະການປະຊາຊົນນະຄອນໂຮ່ຈິມິນ ເລຮ່ວາງກວນ ຢືນຢັນວ່າ, ໃນຕະຫຼວດ 40 ປີຜ່ານມາ, ການພົວພັນລະຫວ່າງຫວຽດນາມ - ອັງກິດ ໄດ້ຮັບການພັດທະນາຢ່າງບໍ່ຢຸດຢັ້ງ, ການພົວພັນຄູ່ຮ່ວມມືຍຸດທະສາດນັບມື້ນັບໄດ້ຮັບການພັດທະນາຢ່າງແຮງ ແລະ ເຂົ້າສູ່ລວງເລິກໃນຫຼາຍຂົງເຂດ. ປະຈຸບັນ, ບັນດານັກລົງທຶນອັງກິດ ໄດ້ມີໜ້າຢູ່ 17 ທ້ອງຖິ່ນໃນທົ່ວປະເທດ, ຢືນອັນດັບທີ 4 ໃນບັນດາປະເທດສະຫະພາບເອີລົບ ທີ່ລົງທຶນເຂົ້າຫວຽດນາມ ດ້ວຍ 163 ໂຄງການ ແລະ ຍອດຈຳນວນທຶນຈົດທະບຽນບັນລຸເກືອບ 2,7 ຕື້ USD. ກ່າວຄຳເຫັນທີ່ພິທີ, ທ່ານ Douglas Barnes, ຫົວໜ້າກົມສູນໃຫຍ່ແຫ່ງລາຊະອານາຈັກອັງກິດ ປະຈຳນະຄອນໂຮ່ຈິມິນ, ຢືນຢັນວ່າ.
“ເຫດການນີ້ໄດ້ພິສູດໃຫ້ເຫັນການພົວພັນພິເສດເຊິ່ງອັງກິດ ພວມ ແລະ ໄດ້ມີຢູ່ແລ້ວກັບຫວຽດນາມ, ພິເສດແມ່ນກັບນະຄອນໂຮ່ຈິມິນ. ໃນ 40 ປີຜ່ານມາ, ທັງ 2 ປະເທດລ້ວນແຕ່ມີການປ່ຽນແປງພໍສົມຄວນ, ແຕ່ການພົວພັນລະຫວ່າງ 2 ປະເທດຍັງຄົງໄດ້ຮັບການປັບປຸງຢ່າງໝັ້ນຄົງ. ປະເທດອັງກິດ ໃຫ້ຄຳໝັ້ນສັນຍາຈະໜູນຊ່ວຍຫວຽດນາມ ພັດທະນາພື້ນຖານເສດຖະກິດຂອງຕົນຫຼາຍກວ່າອີກ, ພິເສດແມ່ນຜ່ານການພັດທະນາຢ່າງໝັ້ນຄົງ ແລະ ການຜະລິດຢ່າງມີປະສິດທິຜົນ.”